Ta'lim sifatini ta'minlash milliy agentligi texnikumlarning 2025/2026-o'quv yili uchun qabul parametrlarining shakllantirilishi, hududlar kesimida taqsimlanishi va bajarilish samaradorligini tahlil qildi. Natijalarga ko'ra, respublika bo'yicha eng ko'p talab bildirilgan yo'nalish — avtomobillarni ta'mirlash va ularga xizmat ko'rsatish — bu haqda agentlik ma'lum qildi.
Eng ko'p talab qilingan yo'nalish
Mazkur yo'nalishga jami 249 130 nafar talabgordan 50 208 nafari, ya'ni 20,2 foizi hujjat topshirgan.
Reklama
Hududlar kesimida talab yuqori bo'lgan yo'nalishlar
- Toshkent shahri — kompyuter tizimlarida dasturlash;
- Samarqand viloyati — sartarosh (modelyer);
- Surxondaryo viloyati — qutqaruvchilik;
- Farg'ona viloyati — tikuvchilik mahsulotlari dizayneri;
- Toshkent viloyati — kimyoviy ishlab chiqarish laboranti;
- Navoiy viloyati — foydali qazilmalarni maydalash va saralash;
- Andijon viloyati — elektr uskunalarini ta'mirlash bo'yicha elektromontyor;
- Namangan viloyati — sanoat farmatsiyasi;
- Xorazm viloyati — bino va inshootlar qurilishi;
- Qoraqalpog'iston Respublikasi — suv xo'jaligini avtomatlashtirish operatori;
- Jizzax viloyati — fermer xo'jaligini boshqarish;
- Sirdaryo viloyati — asalarichilik;
- Qashqadaryo viloyati — neft va gazni qayta ishlash;
- Buxoro viloyati — mehmonxona xo'jaligi mutaxassisi.
Tahlilda hududlarda mehnat bozoridagi ehtiyoj va abituriyentlarning qiziqishi turli kasb va mutaxassisliklarga turlicha to'g'ri kelayotgani qayd etilgan: texnik va amaliy kasblar, axborot texnologiyalari, ishlab chiqarish, xizmat ko'rsatish, qishloq xo'jaligi hamda turizm yo'nalishlariga talab hududlar bo'yicha farq qiladi.
Texnikumlarga qabul jarayoni haqida hujjat topshirish yakunlangani va 11-sinf negizida qabul haqidagi materiallarimizni ham o'qishingiz mumkin.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring