Bugun, 20-iyul kuni 2026–2027-o'quv yili uchun 9-sinf bitiruvchilarining texnikumlarga hujjat topshirish jarayoni yakunlanadi. 1-iyulda boshlangan qabul uchun bugun oxirgi kun — arizalar soat 23:59 gacha my.edu.uz platformasi orqali onlayn qabul qilinadi.
20-iyul soat 10:38 holatiga ko'ra, texnikumlarga jami 217 934 ta ariza kelib tushgan. Joriy yilda respublika bo'yicha 570 ta texnikumda 166 ta kasb-hunar yo'nalishi bo'yicha qabul amalga oshirilmoqda. Ushbu bosqich uchun umumiy qabul kvotasi 202 657 ta etib belgilangan.
Hujjat topshirayotgan abituriyentlardan quyidagilar talab etiladi:
Reklama
- ID karta yoki tug'ilganlik to'g'risidagi guvohnoma ma'lumotlari;
- 9-sinfni tamomlaganlik haqidagi elektron shahodatnoma.
Shahodatnoma ma'lumotlari e-shahodatnoma.uz axborot tizimi orqali avtomatik tarzda olinadi — abituriyentdan qo'shimcha hujjat talab qilinmaydi.
Muhim imtiyoz: texnikumni muvaffaqiyatli tamomlagan bitiruvchilar o'z yo'nalishiga mos bakalavriat ta'lim yo'nalishlariga kirish imtihonlarisiz, yakka tartibdagi suhbat asosida oliy ta'lim muassasalarining 2-bosqichiga qabul qilinadi.
Abituriyentlar uchun eng muhim yangiliklarni InfoEdu.uz orqali kuzatib boring.
Izohlar (0)
Izoh yozish uchun tizimga kiring.