2026/2027-o'quv yilida ikkinchi va undan keyingi oliy ta'lim olish istagida bo'lgan fuqarolar uchun hujjat topshirish jarayoni bugun, 10-avgust kuni yakunlanadi. 10-avgust soat 09:35 holatiga ko'ra, 25 373 nafar talabgor onlayn ariza topshirgan.
my.edu.uz orqali qanday hujjat topshiriladi?
Nomzodlar my.edu.uz platformasida quyidagilarni amalga oshiradi:
Reklama
- pasport va JSHSHIR ma'lumotlarini kiritadi;
- diplom va uning ilovasining elektron nusxasini yuklaydi;
- o'qish istagidagi oliy ta'lim muassasasi va ta'lim yo'nalishini tanlaydi.
Bunda ikkinchi va undan keyingi oliy ta'lim to'liq to'lov-kontrakt asosida amalga oshiriladi.
Ma'lumot uchun, ikkinchi mutaxassislik bo'yicha qabul kvotalari (parametrlari) OTMning ilmiy-pedagogik salohiyati va moddiy-texnik bazasidan kelib chiqib, oliy ta'lim muassasasining o'z Kengashi tomonidan mustaqil belgilanadi.
Ikkinchi va undan keyingi oliy ta'limga qabul natijalari oliy ta'lim muassasalari tomonidan 30-avgustga qadar e'lon qilinadi. Avvalroq ikkinchi mutaxassislikka hujjat topshirish jarayoni haqida xabar bergan edik.
Izohlar (0)
Izoh yozish uchun tizimga kiring.