Abituriyentlarning to‘liq ro‘yxati va egallagan o‘rni ochildi

Mandat.uzbmb.uz saytida abituriyentlarning to‘liq ro‘yxati va egallagan o‘rnini ko‘rish imkoniyati ochildi. Buning uchun saytning “Kengaytirilgan qidiruv” sahifasidan foydalanish kifoya.

Qanday qidirish kerak?

“Kengaytirilgan qidiruv” sahifasida quyidagi filtrlarni tanlash mumkin:

• Hudud (masalan, Toshkent shahri);
• Oliy ta’lim muassasasi;
• Ta’lim yo‘nalishi;
• Ta’lim tili;
• Ta’lim shakli.

Bundan tashqari, ID raqami bo‘yicha qidiruv orqali alohida abituriyent natijasini ham topish mumkin.

Qanday ma’lumotlar ko‘rinadi?

Ro‘yxatda har bir abituriyent bo‘yicha F.I.Sh., ID raqami, ta’lim yo‘nalishi, OTM nomi, ta’lim tili va shakli ko‘rsatiladi. Bundan tashqari, holat yorliqlari orqali talaba davlat granti asosida qabul qilingani, imtiyozga ega ekani yoki boshqa yo‘nalishga hujjat topshirgani haqida ma’lumot olish mumkin. Har bir nomzodning to‘plagan balli ham ko‘rinib turadi.

Avvalroq bakalavriat mandat natijalari e’lon qilingani haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.