Minimal o‘tish balidan past natija qilgan abituriyentlarga joriy yilda super-kontrakt qilish imkoniyati berilmaydi. Endi super-kontraktda o‘qish uchun ham 56,7 balldan yuqori natija talab etiladi.
Avvalgi yillarda qanday edi?
Avvalgi yillarda minimal baldan past ball olgan abituriyentlarga ham super-kontrakt asosida o‘qish imkoniyati berilar edi. Buning uchun amaldagi oshirilgan to‘lov-kontraktning ta’lim yo‘nalishi bo‘yicha belgilangan eng yuqori miqdorining 2 barobariga teng to‘lovni amalga oshirish talab etilgan. Masalan, super-kontrakt 100 million so‘m bo‘lsa, 200 million so‘m to‘lab o‘qish mumkin edi.
Reklama
Nima o‘zgardi?
Vazirlar Mahkamasining 2025-yil 13-sentyabrdagi 578-sonli qarori bilan ushbu tartib bekor qilindi. Yangi tartibga ko‘ra, kirish imtihonlarida to‘plagan ballari minimal o‘tish balidan kam bo‘lmagan, belgilangan qabul parametrlari doirasida hamda qo‘shimcha qabul asosida qabul qilinmagan abituriyentlarga tabaqalashtirilgan to‘lov-kontrakt (super-kontrakt) asosida o‘qishga kirish huquqi beriladi.
Avvalroq 56,7 balldan kam to‘plagan abituriyentlar nima qilishi kerakligi haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.