O‘zbekistonda oliy ta’lim tashkilotlarining iqtidorli talabalari uchun 2027/2028-o‘quv yilidan boshlab Amir Temur nomli davlat stipendiyasini joriy etish taklif etilmoqda. Bu Vazirlar Mahkamasining iqtidorli yoshlarni taqdirlash va moddiy rag‘batlantirish to‘g‘risidagi qaroriga o‘zgartirish kiritishni nazarda tutuvchi qaror loyihasida belgilangan.
Talabgor bo‘ladigan talabalar
Stipendiya davlat, nodavlat va xorijiy oliy ta’lim tashkilotlari hamda qo‘shma ta’lim dasturlarining oxirgi ikki kursida tahsil olayotgan talabalarga berilishi mumkin. Har bir oliy ta’lim tashkiloti uchun stipendiya soni bittadan belgilanishi taklif qilinmoqda.
Reklama
Talabgorlarga qo‘yiladigan talablar
- a’lo o‘qish;
- ilmiy yoki ijodiy ishlar bilan shug‘ullanish, konferensiya va tanlovlarda ishtirok etish;
- O‘zbekiston tarixi, davlat tili hamda kamida bitta xorijiy tilni bilish;
- bitiruv malakaviy ishi Amir Temur va temuriylar merosiga bag‘ishlangan bo‘lishi yoki shu yo‘nalishda kamida ikkita ilmiy ish e’lon qilingan bo‘lishi.
Hujjatlar qabul qilinadigan muddat
Loyihaga muvofiq tanlovning keyingi bosqichiga tavsiya etilgan talabgorlar hujjatlarini har yili 5—15-sentabr kunlari my.edu.uz tizimiga yuklaydi.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring