2026/2027-o‘quv yili uchun akademik litseylarga hujjat topshirish jarayoni yakunlandi. 10-iyun – 10-iyul kunlari davom etgan onlayn qabul davomida respublika bo‘yicha 49 129 nafar abituriyentning arizasi ro‘yxatga olindi.
Oliy ta'lim, fan va innovatsiyalar vazirligining rasmiy Telegram kanalida ma'lum qilinishicha, hujjatlar my.edu.uz platformasi orqali qabul qilingan barcha talabgorlarning shaxsiy kabinetida "Ariza qayd varaqasi" avtomatik ravishda shakllantirilgan.
Ariza qayd varaqasi nima uchun kerak?
Reklama
"Ariza qayd varaqasi" faqat abituriyentning arizasi muvaffaqiyatli ro‘yxatga olinganini tasdiqlovchi hujjat hisoblanadi. U kirish imtihonlarida ishtirok etish uchun ruxsatnoma vazifasini bajarmaydi.
Shu sababli abituriyentlar ushbu hujjatni test sinoviga kirish ruxsatnomasi bilan adashtirmasliklari tavsiya etiladi.
Abituriyentlarga tavsiya
Qabul jarayonida ishtirok etgan talabgorlar my.edu.uz platformasidagi shaxsiy kabinetiga kirib:
- shaxsiy ma'lumotlarini yana bir bor tekshirishlari;
- "Ariza qayd varaqasi"ni yuklab olib saqlab qo‘yishlari tavsiya etiladi.
InfoEdu.uz tahliliga ko‘ra, qabul yakunlangach, abituriyentlar uchun eng muhim bosqichlardan biri kirish imtihonlariga oid ruxsatnomalar va keyingi rasmiy e'lonlarni o‘z vaqtida kuzatib borish hisoblanadi.
Izohlar (0)
Izoh yozish uchun tizimga kiring.