Akademik litseylarga kirish test sinovlari 24-25 iyulda o’tkaziladi

Navbat akademik litseylarga keldi. 2026/2027-o'quv yili uchun harbiy-akademik litseylar va davlat OTMlari huzuridagi akademik litseylarga kirish test sinovlari 24-25-iyul kunlari bo'lib o'tadi. Akademik litseylarga 49 mingdan ortiq ariza qabul qilindi — bu yilgi qiziqish haqida avvalroq ma'lumot berilgandi. Bilimni baholash agentligi test sinovlari o'tkaziladigan barcha sanalarni e'lon qildi.

Test sinovlariga quyidagi litseylar kiradi:

• "Temurbeklar maktabi" harbiy-akademik litseylari;
• Jaloliddin Manguberdi nomidagi harbiy-akademik litsey;
• "Yosh chegarachilar" harbiy-akademik litseyi;
• IIVning akademik litseylari;
• Davlat OTMlari huzuridagi akademik litseylar.

Test tartibi

Sinovlar 2 smenada tashkil etiladi:

• 1-smena — soat 09:00 da;
• 2-smena — soat 15:00 da.

Abituriyentlar belgilangan hududga kamida 1,5 soat oldin yetib kelishi shart. Testda faqat ruxsatnomada ko'rsatilgan manzil, sana va smenada ishtirok etish mumkin — boshqa kunga yoki boshqa manzilga o'tish imkoni yo'q.

Ruxsatnoma va hujjatlar

"Abituriyent ruxsatnomasi" my.edu.uz sayti orqali berilmoqda — uni yuklab olib, chop etish talab qilinadi. Imtihon kunida o'zingiz bilan:

• Shaxsni tasdiqlovchi hujjat (ID-karta yoki tug'ilganlik to'g'risidagi guvohnoma);
• Chop etilgan ruxsatnoma.

Muhim ogohlantirish: hujjat nusxasi bilan kelgan yoki kechikkan abituriyentlar test sinovlariga kiritilmaydi — asl nusxa bo'lishi shart.

InfoEdu.uz jurnalistlari barcha turdagi o'quv yurtlariga kirish test sinovlari jarayonini muntazam yoritib boradi.