O‘zbekiston davlat oliy ta’lim tashkilotlarida 2026/2027-o‘quv yilida tahsil olish uchun to‘rt davlat fuqarolari uchun jami 70 ta davlat granti ajratildi.
Grantlar qanday taqsimlandi?
| Davlat | Grant o‘rinlari |
|---|---|
| Qozog‘iston | 20 |
| Qirg‘iziston | 20 |
| Tojikiston | 20 |
| Mo‘g‘uliston | 10 |
Reklama
Qirg‘izistonliklar qaysi yo‘nalishlarda o‘qishi mumkin?
Qirg‘iziston fuqarolari uchun ajratilgan 20 ta kvota bo‘yicha nomzodlarni saralashni O‘sh davlat universiteti amalga oshiradi. Bakalavriatning quyidagi yo‘nalishlarida davlat granti asosida tahsil olish mumkin:
- Maktabgacha ta’lim — 4 ta o‘rin;
- Kompyuter injiniringi — 4 ta o‘rin;
- Agronomiya — 4 ta o‘rin;
- Suv xo‘jaligi va melioratsiya — 2 ta o‘rin;
- Ekologiya va atrof-muhit muhofazasi — 2 ta o‘rin;
- Qurilish injiniringi — 4 ta o‘rin.
Qabul shartlari qanday?
Hujjatlar 2026-yil 22-avgustgacha qabul qilinadi. Tanlov davomida nomzodlar o‘zlari tanlagan ta’lim tilini bilishini namoyish etadi va ikkita mutaxassislik fanidan sinov topshiradi. Imtihon natijalari 5 ballik tizimda baholanadi.
O‘zbekistondagi oliy ta’lim tashkilotlarida ta’lim o‘zbek va rus tillarida olib boriladi. O‘zbek tilidagi ta’lim lotin yozuviga asoslanganligi sababli, nomzodlarning lotin alifbosini bilishi ham hisobga olinadi.
Avvalroq Tojikiston fuqarolari uchun ajratilgan grant kvotalari haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.