Davlat xavfsizlik xizmati Chegara qo‘shinlarining “Yosh chegarachilar” harbiy-akademik litseyiga 2027/2028-o‘quv yili uchun hujjatlar qabul qilinmoqda. Ariza topshirish 2026-yil 5-oktabrgacha davom etadi.
Nomzodlar 5-sentabrdan 5-oktabrgacha joylardagi DXX Chegara qo‘shinlari harbiy qismlari orqali ariza topshiradi.
Qabul talablari
Reklama
- Joriy o‘quv yilida 9-sinfda o‘qiyotganlar;
- sog‘lig‘i bo‘yicha o‘qishga yaroqli deb topilganlar;
- haqqoniylik va shaffoflik tamoyillariga asoslangan saralash tanlovidan muvaffaqiyatli o‘tgan erkak jinsli O‘zbekiston fuqarolari.
Sertifikat egalariga imtiyozlar
B2 va undan yuqori darajadagi milliy yoki xalqaro chet tili sertifikatiga ega nomzodlarga ushbu fandan imtihonlarsiz eng yuqori ball beriladi. Umumta’lim fanlaridan A+ va A darajali milliy sertifikati bo‘lganlarga esa kirish testida shu fanlardan eng yuqori ball qo‘yiladi. B+, B, C+, C darajali sertifikat egalariga sertifikatdagi umumiy ballga nisbatan foiz asosida tabaqalashtirilgan ball beriladi.
Litsey haqida
Litseyda ijtimoiy-gumanitar fanlar, tillar, aniq va tabiiy fanlar hamda kasbiy-amaliy fanlar bo‘yicha 4 ta kafedra faoliyat yuritadi. Matematika, fizika, davlat va huquq asoslari hamda xorijiy tillar chuqurlashtirib o‘qitiladi, ingliz tili bilan birga fors, pushtu va dariy tillari ham o‘rgatiladi.
Litsey faoliyati rasmiy sahifada batafsil keltirilgan.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring