Toshkentning Shayxontohur tumanidagi maktablardan birida 23 yoshli qo‘riqlash xizmati xodimi 6-sinf o‘quvchisiga shahvoniy shilqimlik qilgan. Sud ishda jinoyat alomatlari borligini qayd etib, uni prokurorga yuborgan.
Voqea tafsilotlari
Holat 15-sentabr kuni sodir bo‘lgan. Sud hujjatiga ko‘ra, 23 yoshli xodim mazkur maktabda shartnoma asosida qo‘riqlash xizmatida ishlagan. U 12 yoshli o‘quvchi qizning oldiga borib, belidan ushlab, labidan o‘pgan holda shahvoniy shilqimlik qilgan.
Reklama
Huquqiy baho
Dastlab mazkur holat Ma’muriy javobgarlik to‘g‘risidagi kodeksning 41-1-moddasi 1-qismi bilan kvalifikatsiya qilinib, ish sudga yuborilgan. Sud ishni ko‘rib chiqib, huquqbuzarlik holatida jinoyat alomatlari bor, degan xulosaga kelgan va ishni prokurorga yuborgan.
Sud ajrimida “jinoyat alomatlari bo‘lsa uning harakatlariga tegishli baho berilishi lozim” deb qayd etilgan.
Shunga o‘xshash holatlar
Avvalroq Farg‘onada voyaga yetmagan o‘quvchiga shilqimlik qilgan o‘qituvchiga chora ko‘rilgani haqida xabar bergan edik. Voyaga yetmaganlarning shaxsiy ma’lumotlari va ismi ochiqlanmaydi.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring