Davlat budjeti mablag‘lari hisobidan tayyorlanadigan attestatsiya sinov materiallari Maktabgacha va maktab ta’limi vazirligi tomonidan maxfiy saqlanishi kerak, biroq ular sinov.uz platformasi orqali 10 ming so‘mdan 50 ming so‘mgacha narxda taklif qilinmoqda.
Vazirlikning munosabati
Vazirlik rasmiylari attestatsiya testlari pullik taklif qilinayotganini tan olib, buni platformani yaratish va texnik holatda saqlash xarajatlarini qoplash bilan izohladi.
Reklama
O‘sha platformaning dasturiy ta’minoti bor, dastur asosida ishlangan, unga mablag‘ sarflangan va dasturni texnik jihatdan ishchi holatda ushlab turish, sarf-xarajatlarini qoplash maqsadida shu pullik xizmat yo‘lga qo‘yilgan.
Vazirlik xodimi, jonli efirda
Pedagogik mahorat va xalqaro baholash ilmiy-amaliy markazi direktori Dilrabo Davidovaning ta’kidlashicha, sinov.uz platformasidagi pullik testlardan foydalanish majburiy emas — platformada bepul testlar ham mavjud.
Qonunchilik talabi
Test materiallarini tayyorlash uchun davlat budjetidan mablag‘ ajratiladi, ularni ochiqlash, sotish va boshqa usullar bilan tarqatish esa Vazirlar Mahkamasining 2021-yil 17-sentabrdagi 572-son qarori bilan tasdiqlangan nizomning 43-bandi talablariga zid hisoblanadi.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring