Toshkent davlat iqtisodiyot universiteti rektori bu yilgi o‘quv yilida kontrakt summalarini oshirilishini ma‘lum qildi. Rektor super-kontrakt bo‘yicha hali qaror e‘lon qilinmaganini aytdi, deya xabar berilmoqda Mirolim Isajonov.
Kontrakt qancha oshiriladi?
Bu masala bo‘yicha kecha yig‘ilib, barcha hisob-kitoblarimizni qildik. Bu yilgi o‘quv yiliga kontrakt summalarini yo‘nalishiga qarab 10% dan 20% gacha belgiladik.
Teshabayev To'lqin Zakirovich, TDIU rektori
Reklama
Ya‘ni yangi o‘quv yilida kontrakt narxlari oshadi. Bu abituriyentlar uchun ariza topshirishda e‘tiborga olinishi lozim.
Nega oshirilmoqda?
Barcha xarajatlar — qurilish ham, maoshlar ham — hammasi TDIU hisobidan qilinadi, biz davlatdan pul olmaymiz.
Teshabayev To'lqin Zakirovich, TDIU rektori
Oshirishning asosiy sababi shu — universitet o‘zini o‘zi moliyalashtiradi. Shuning uchun xarajatlarni qoplash uchun kontraktni ko‘tarish zarurati tug‘ilgan.
Super-kontrakt-chi?
Hozircha ko‘rib chiqdik, lekin hali qaror yo‘q — tushgan arizalarga qarab turib, 2026-yildagi ilmiy kengashda belgilanadi.
Teshabayev To'lqin Zakirovich, TDIU rektori
Super-kontrakt shu tariqa hali ochiq — talabgorlar hozircha faqat kontrakt oshishini hisobga olishi kerak.
Super-kontrakt qanday hisoblanadi?
| Yetmagan ball | Koeffitsient |
|---|---|
| 1 ballgacha | ×1,5 barobar |
| 1,01–2 ball | ×2 barobar |
| 2,01–3 ball | ×2,5 barobar |
| 3,01–4 ball | ×3 barobar |
Kontrakt 10-20 foizga oshgani uchun super-kontrakt ham shu bazaga bog‘lanadi. O‘tish baliga 4 ballgacha yetmaganlar uchun yetmagan balga qarab: 1 ballgacha ×1,5, 2 ballgacha ×2, 3 ballgacha ×2,5, 4 ballgacha ×3.
To‘liq suhbatni shu video qo‘llanmada ko‘rish mumkin. Boshqa OTMlar super-kontrakt narxlari haqida oldin yozgan edik. InfoEdu.uz orqali ta‘limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.