Texnikum bitiruvchilari uchun OTMga kirish: Suhbat jarayoni
Texnikumni muvaffaqiyatli tamomlagan bitiruvchilar uchun oliy ta'lim muassasalariga (OTM) kirishda qulay imkoniyat yaratildi. Endilikda ular test sinovlarisiz, faqat suhbat natijalariga ko'ra bakalavriatning 2-kursidan o'qishni boshlashlari mumkin.
Suhbat qanday o'tkaziladi?
OTMga qabul jarayoni suhbat asosida amalga oshiriladi. Bunda talabgorning bilim va ko'nikmalari 100 ballik tizimda baholanadi. Suhbat davomida quyidagi 4 ta yo'nalish bo'yicha savollar beriladi:
- Sohadagi islohotlarning mohiyatini tushunish darajasi.
- Bakalavriat ta'lim yo'nalishini tanlashdagi motivatsiya.
- Shaxsiy-kasbiy xususiyatlar.
- Tanlangan yo'nalish bo'yicha kasbiy bilim va ko'nikmalar.
O'zingizga mos kirish ballari yo'nalishlar kesimida ma'lumotlarni o'rganib chiqish orqali tanlovingizni aniqlashtirib olishingiz mumkin. Shuningdek, abituriyentlar uchun taqdim etilgan yangiliklarimizni kuzatib boring.
Hozirda ushbu toifadagi abituriyentlar uchun qabul jarayonlari davom etmoqda. Siz bu yangilikka qanday qaraysiz? Fikr va mulohazalaringizni izohlar qismida qoldiring.
Izohlar (0)
Izoh yozish uchun tizimga kiring.