O'zbekiston xalqaro islomshunoslik akademiyasida “Diniy-ma'rifiy soha menejmenti” magistratura mutaxassisligi bo'yicha qabul tartibi belgilandi. Bu Vazirlar Mahkamasining 18-sentabrdagi 503-son qarori bilan tasdiqlandi.
Qabul shartlari
- 2026/2027-o'quv yilidan boshlab o'qish muddati 1 yil etib belgilanadi;
- Ta'lim faqat kunduzgi shaklda olib boriladi;
- Qabul diniy-ma'rifiy sohada kamida 2 yillik ish stajiga (tajribasiga) ega mutaxassislar orasidan amalga oshiriladi;
- Nomzodlar Qoraqalpog'iston Respublikasi Vazirlar Kengashi, viloyatlar va Toshkent shahri hokimliklari hamda O'zbekiston musulmonlari idorasining tavsiyasiga asosan tanlab olinadi.
Reklama
Imtihon va reyting tartibi
Qabul imtihonlari Din ishlari bo'yicha qo'mita taqdim etgan nomzodlar o'rtasida suhbat asosida, 100 ballik tizimda o'tkaziladi. Qabul natijasi suhbatda to'plangan ball hamda bakalavriat diplomining o'rtacha bali qo'shilgan holda reyting ketma-ketligida aniqlanadi.
Grant o'rinlari va qabul muddati
- 2026/2027-o'quv yili uchun mazkur mutaxassislikka istisno tariqasida vakant o'rinlar hisobidan 10 ta davlat granti o'rni ajratildi;
- Qabul 1-oktabrga qadar amalga oshiriladi.
Magistraturaga qabul bo'yicha magistratura uchun turdosh yo'nalishlar ro'yxati haqidagi maqolamizda ham yozgan edik.
Diniy-ma'rifiy sohada kamida 2 yillik ish stajiga ega mutaxassislar — Qoraqalpog'iston Respublikasi Vazirlar Kengashi, viloyatlar va Toshkent shahri hokimliklari hamda O'zbekiston musulmonlari idorasi tavsiyasi asosida tanlanadi.
Din ishlari bo'yicha qo'mita taqdim etgan nomzodlar o'rtasida 100 ballik tizimda suhbat shaklida. Reyting suhbat bali hamda bakalavriat diplomining o'rtacha bali qo'shilib aniqlanadi.
2026/2027-o'quv yili uchun istisno tariqasida vakant o'rinlar hisobidan 10 ta davlat granti o'rni ajratildi, qabul 1-oktabrga qadar davom etadi.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring