Toshkent shahar hokimining 5-avgustdagi qaroriga ko‘ra, 15-avgustdan 1-oktabrgacha shahardagi umumta‘lim maktablari, dehqon bozorlari va savdo komplekslarida “Maktab bozorlari” tashkil etiladi. Bu haqda hokimiyatning rasmiy qarorida ma‘lum qilingan.
Maktablarda tashkil etiladigan bozorlar
Qarorga 1-ilovaga muvofiq, 12 ta tuman bo‘yicha 26 ta maktab hududida maktab bozorlari ochiladi. Ushbu bozorlardan jami 200 mingdan ortiq o‘quvchi foydalanishi kutilmoqda. Eng ko‘p o‘quvchi qamrab olinadigan maktablar qatoriga Sergeli tumanidagi 317-maktab (17 844 nafar) va Uchtepa tumanidagi 296-maktab (14 538 nafar) kiradi.
Reklama
| Tuman | Maktablar soni |
|---|---|
| Bektemir | 1 |
| Mirobod | 1 |
| Mirzo Ulug‘bek | 1 |
| Olmazor | 2 |
| Sergeli | 2 |
| Uchtepa | 4 |
| Chilonzor | 2 |
| Shayxontohur | 2 |
| Yunusobod | 3 |
| Yakkasaroy | 2 |
| Yangihayot | 2 |
| Yashnobod | 2 |
Bozorlarda 256 ta savdo joyi
Qarorning 2-ilovasiga ko‘ra, shahardagi 14 ta dehqon bozori va savdo kompleksida jami 256 ta maxsus savdo rastalari tashkil etiladi. Ularda o‘quvchilarning kiyim-kechaklari, o‘quv-yozuv qurollari va darsliklar savdosi yo‘lga qo‘yiladi.
Tadbirkorlardan asosiy faoliyati uchun soliq va boshqa yig‘imlar belgilangan tartibda undiriladi. Avvalgi 2025-yilgi qaror o‘z kuchini yo‘qotgan.
![Toshkentda Xalqaro informatika olimpiadasi IOI 2026 boshlandi [Video]](/_next/image?url=https%3A%2F%2Finfoedu.uz%2Fwp-content%2Fuploads%2F2026%2F08%2Fphoto_2026-08-10_16-04-04.webp&w=1920&q=75)
Izohlar (0)
Izoh yozish uchun tizimga kiring.