Sirdaryo viloyatidagi umumiy o'rta ta'lim maktabida ikki o'quvchi qiz o'rtasida nizo kelib chiqqan, keyinroq ularning birining onasi boshqa o'quvchiga jismoniy kuch ishlatgan. Holat Bolalar ombudsmani nazoratiga olingan.
Bu haqda Bolalar ombudsmanining rasmiy kanali xabar berdi.
Voqea tafsilotlari
Reklama
Ma'lum qilinishicha, joriy yilning 7-sentabr kuni maktabda tahsil oluvchi o'quvchilar A.Z. va Z.A. (2013-yilda tug'ilgan qizlar) dars mashg'uloti paytida o'zaro tortishib, nizo yuzaga kelgan.
8-sentabr kuni A.Z.ning onasi S.Sh. holat bo'yicha maktab ma'muriyatiga murojaat qilmasdan, belgilangan tartib-taomillarga zid ravishda voyaga yetmagan Z.A.ni o'quv mashg'uloti davomida darsdan chaqirtirgan. So'ng ular o'rtasidagi suhbat keskinlashib, ayol qizning bo'ynini tirnab, unga jismoniy kuch ishlatgan.
Tekshiruv va ekspertiza
Mazkur holat yuzasidan Sirdaryo viloyati Boyovut tumani IIB tomonidan tergovga qadar tekshiruv harakatlari olib borilmoqda. Bolaning sog'lig'iga yetkazilgan zarar darajasini aniqlash maqsadida sud-tibbiy ekspertizasi tayinlangan.
Bolalar ombudsmani voyaga yetmagan bolaning huquq va qonuniy manfaatlari himoya qilinishi yuzasidan mazkur ishda kuzatuvini davom ettiradi. Qo'shimcha axborot taqdim etilishi ma'lum qilindi.
Maktab va o'quvchilar bilan bog'liq shunga o'xshash holat yuzasidan Toshkentdagi maktabda sodir bo'lgan holat ham tekshirilayotgan edi.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring