Hujjatlarni qayerga yuborish kerak?

Obyektivka hamda ilmiy daraja va ilmiy unvonni tasdiqlovchi hujjatlar elektron shaklda hr@dsba.uz manziliga yuboriladi. Qo'shimcha ma'lumot ish kunlari soat 10:00 dan 17:00 gacha Telegram akkaunt orqali olinadi.

Oliygohlar Yangiliklar

Davlat siyosati akademiyasiga 13,5 shtat birligi uchun tanlov e’lon qilindi

Prezident huzuridagi akademiya 7 yo’nalish bo’yicha professor-o’qituvchilar tanlovini e’lon qildi. Talablar va hujjat topshirish tartibi — maqolada.

Umidjon Esirgapov

17.09.2026·2 daqiqalik o‘qish

Google'ga qo'shish

Davlat siyosati akademiyasiga 13,5 shtat birligi uchun tanlov e’lon qilindi

O'zbekiston Respublikasi Prezidenti huzuridagi Davlat siyosati va boshqaruvi akademiyasi professor-o'qituvchilar tarkibidagi vakant lavozimlar uchun tanlov e'lon qildi. Jami 13,5 shtat birligi bo'yicha nomzodlar qabul qilinadi.

Tanlov huquqshunoslik, menejment, axborot texnologiyalari va sun'iy intellekt, sotsiologiya, psixologiya, strategik kommunikatsiyalar hamda ekologiya yo'nalishlarini qamrab oladi.

Tanlov e'lon qilingan lavozimlar

Reklama

Lavozim	Shtat birligi	Ixtisosliklar
Huquqshunos	3	12.00.02, 12.00.05, 12.00.12, 12.00.08
Menejment	3	08.00.13
Axborot texnologiyalari, ma'lumotlar tahlili va sun'iy intellekt	2	05.01.02, 05.01.11
Sotsiolog	1	22.00.01
Psixolog	2	19.00.03, 19.00.05
Strategik kommunikatsiyalar, PR va media	0,5	10.00.09
Ekologiya, iqlim siyosati va barqaror rivojlanish	2	03.00.10, 11.00.04, 11.00.05

Nomzodlarga qo'yiladigan talablar

Nomzodlardan tegishli mutaxassislik bo'yicha PhD yoki DSc ilmiy darajasiga ega bo'lish, o'z yo'nalishi bo'yicha ilmiy va amaliy tajriba, ilmiy-tadqiqot faoliyati olib borish talab etiladi. Shuningdek, o'quv-uslubiy materiallar ishlab chiqish hamda trening va seminarlar tashkil etish ko'nikmalari ham talab qilinadi.

Davlat va nodavlat tashkilotlarida tegishli yo'nalish bo'yicha ish tajribasiga ega nomzodlarga ustunlik beriladi. O'zbek tilini mukammal, ingliz tilini yaxshi bilish maqsadga muvofiq deb belgilangan.

Hujjat topshirish tartibi

Nomzodlar obyektivka (ma'lumotnoma) hamda ilmiy daraja va ilmiy unvonni tasdiqlovchi hujjatlarni elektron shaklda [email protected] elektron pochta manziliga yuborishi kerak. Qo'shimcha ma'lumot uchun ish kunlari soat 10:00 dan 17:00 gacha @bmirzaeva Telegram akkauntiga murojaat qilish mumkin. Batafsil ma'lumot Akademiyaning rasmiy saytida keltirilgan.

Avvalroq Toshkent davlat yuridik universiteti professor-o'qituvchilar uchun 25 ta vakansiya e'lon qilgani haqida yozgan edik.

Jami 13,5 shtat birligi bo'yicha: huquqshunos (3), menejment (3), axborot texnologiyalari va sun'iy intellekt (2), sotsiolog (1), psixolog (2), strategik kommunikatsiyalar (0,5) hamda ekologiya va iqlim siyosati (2).

Tegishli mutaxassislik bo'yicha PhD yoki DSc ilmiy darajasi, ilmiy va amaliy tajriba, ilmiy-tadqiqot faoliyati, o'quv-uslubiy materiallar ishlab chiqish hamda trening va seminarlar tashkil etish ko'nikmalari talab etiladi.

Obyektivka hamda ilmiy daraja va ilmiy unvonni tasdiqlovchi hujjatlar elektron shaklda [email protected] manziliga yuboriladi. Qo'shimcha ma'lumot ish kunlari soat 10:00 dan 17:00 gacha Telegram akkaunt orqali olinadi.

Telegram kanalga a'zo bo'ling

#oliy ta'lim #PhD #professor-o'qituvchi #vakant ish o‘rinlari #vakant lavozim

Reklama

MUALLIFUmidjon EsirgapovInfoedu.uz asoschisi marketing va ta’lim sohasida 5 yillik tajribaga ega ekspert.