Ijtimoiy tarmoqlarda voyaga yetmagan bolaning avtomobil boshqarayotgani aks etgan video tarqaldi. Holat yuzasidan Farg'ona viloyati IIB JXX YHXB Axborot xizmati rasmiy munosabat bildirdi.
Rasmiy munosabat
O'rganishlar davomida avtomobilni Farg'ona viloyati So'x tumanidagi umumta'lim maktablaridan birining 5-sinf o'quvchisi boshqargani aniqlangan. Transport vositasi uning otasiga tegishli bo'lgan.
Reklama
Yo'l harakati xavfsizligi xizmati ota-onalarni voyaga yetmagan farzandlarining avtomobil boshqarishiga yo'l qo'ymaslikka chaqirdi.
Ota-onaga nisbatan qo'llangan chora
Mazkur holat yuzasidan voyaga yetmagan shaxsning otasiga nisbatan Ma'muriy javobgarlik to'g'risidagi kodeksning 47-moddasi — bolalarni tarbiyalash va ularga ta'lim berish borasidagi majburiyatlarni bajarmaslik — hamda 135-moddasi 2-qismi (yo'l harakati qoidalarida nazarda tutilgan hujjatlari bo'lmagan shaxslarning transport vositalarini boshqarishi) bilan ma'muriy bayonnoma rasmiylashtirilgan. Shuningdek, profilaktik suhbat o'tkazilgan.
Maktab o'quvchilari va transport vositalari
Bunday holatlar avval ham uchragan: Toshkentda avtomobil urib yuborgan o'quvchi va Jizzaxdagi 11-sinf o'quvchisi haqidagi materiallarimizda ham yo'l harakati xavfsizligi va o'quvchilar javobgarligi masalasi ko'tarilgan edi.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring