Prezident Administratsiyasi rahbari Saida Mirziyoyeva 15-sentabr kuni xorijiy tillarga ixtisoslashtirilgan maktab-internati faoliyati bilan tanishdi. Ta'lim muassasasida 260 nafardan ziyod iqtidorli o'quvchi ta'lim olishni boshlagan.
Bu haqda u o'z Telegram kanalida ma'lum qildi.
O'quv jarayonining yo'nalishlari
Reklama
O'quv jarayonida STEM yo'nalishiga — matematika, fizika, kimyo, biologiya va axborot texnologiyalariga alohida e'tibor qaratilgan. O'quvchilar bu fanlarni chuqur o'zlashtirish barobarida loyihalar ustida ishlaydi, bilimlarini amaliyotda qo'llash ko'nikmasini hosil qiladi va mustaqil tadqiqotlar olib boradi.
Xorijiy tillardan ingliz va xitoy tillari kuchaytirilgan tartibda o'qitiladi. Shu bilan birga, o'quv dasturining salmoqli qismi ona tili, O'zbekiston tarixi, adabiyoti va madaniyatiga ajratilgan.
Milliy o'zlik va zamonaviy ta'lim
Yoshlarga zamonaviy ta'lim berib, kelajagi uchun keng imkoniyatlar eshigini ochar ekanmiz, ayni paytda ularga vatan tuyg'usi, o'zligi va milliy madaniyati bilan bog'liqlikni doimiy singdirib borish zarur. Menimcha, ta'limda eng to'g'ri yondashuv shu.
Saida Mirziyoyeva, Prezident Administratsiyasi rahbari
Maktab-internat ta'lim modeli haqida Xorijiy tillar tanlovida g'olib maktabga 850 million so'm ajratilgani haqidagi maqolamizda ham yozgan edik.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring