Namangan viloyati Kosonsoy tumanidagi 39-son umumiy o'rta ta'lim maktabida boshlang'ich sinf o'qituvchisi 1-sinf o'quvchisiga jismoniy ta'sir qo'llagani aniqlandi. Holat ijtimoiy tarmoqlarda tarqalgan videodan so'ng ma'lum bo'ldi — Namangan viloyati maktabgacha va maktab ta'limi boshqarmasi rasmiy munosabat bildirdi.
Holat tafsilotlari
Dastlabki o'rganishga ko'ra, joriy yilning 16-sentabr kuni soat 10:30 lar atrofida, 3-dars mashg'uloti vaqtida boshlang'ich sinf o'qituvchisi 1-“B” sinf o'quvchisiga nisbatan jismoniy ta'sir qo'llagan. Bunga o'quvchining kitobni o'qib bera olmagani sabab bo'lgan.
Reklama
Ijtimoiy tarmoqlarda tarqalgan videoda o'qituvchining bir necha o'quvchiga baqirgani ham tasvirlangan.
Tekshiruv va javobgarlik
Viloyat boshqarmasi axborot xizmati ma'lum qilishicha, video yuzasidan ishchi guruh tuzilib, maktabda xizmat tekshiruvi o'tkazilmoqda. Tekshiruv holatga huquqiy baho berish va mas'ul mansabdor shaxslarning xatti-harakatlarini o'rganish maqsadida davom ettirilmoqda.
O'rganish yakunlari bo'yicha qonunchilikda belgilangan tartibda maktab rahbariyati va o'qituvchiga nisbatan tegishli choralar ko'riladi.
Bolaga zo'ravonlik qilgan pedagoglarning javobgarligi haqida bolaga zo'ravonlik qilgan pedagoglarning 1 yil dars bera olmasligi, shuningdek Sirdaryodagi maktabda o'quvchiga jismoniy kuch ishlatilgani haqida ham yozgan edik.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring