Ijtimoiy tarmoqlarda Samarqand viloyatida o'quvchilar eshakda maktabga qatnayotgani aks etgan video tarqaldi. Viloyat maktabgacha va maktab ta'limi boshqarmasi holat yuzasidan izoh berib, video qayerda tasvirga olingani va o'quvchilar bu ulovdan nima sababdan foydalanayotganini ma'lum qildi.
Hudud va maktab manzili
Reklama
Boshqarmaning boshqarma munosabatida qayd etilishicha, video Kattaqo'rg'on tumani Mavlonsoy qishlog'ida emas, balki tuman markazidan 40 kilometr uzoqlikdagi Burgansoy mahalla fuqarolar yig'ini Olmosuvon qishlog'ida joylashgan 84-sonli umumiy o'rta ta'lim maktabida olingan.
Mazkur hudud Qo'shrabot tumani bilan chegaradosh bo'lib, tog' yonbag'irlaridagi kichik va tarqoq qishloqlardan iborat. Ichki yo'llar asosan so'qmoqlardan tashkil topgan.
O'quvchilar soni va masofalar
- Maktabning asosiy binosida 92 nafar, filialida 21 nafar o'quvchi tahsil oladi;
- Filial bilan asosiy bino o'rtasidagi masofa 3 kilometrni tashkil etadi;
- Asosiy binoga qatnaydigan eng uzoq masofa — 4 kilometr.
5–11-sinflarda jami 74 nafar o'quvchi tahsil oladi. Ularning 45 nafari Olmosuvon qishlog'idan, 13 nafari filial hududidagi Qo'shamazor qishlog'idan, 17 nafari To'lali qishlog'idan va 17 nafari Jilqihaydar qishlog'idan asosiy binoga qatnaydi.
Boshqarma izohi
Tog'li hudud va aholi punktlarining tarqoq joylashgani sababli mahalliy aholining aksariyat qismi, jumladan, kundalik harakatlanishda ushbu ulovlardan foydalanadi.
Samarqand viloyati maktabgacha va maktab ta'limi boshqarmasi
Ko'rilayotgan chora-tadbirlar
Mas'ul tashkilotlar tomonidan olis va tog'li hududlarda o'quvchilarning maktabga xavfsiz va qulay qatnashini ta'minlash hamda yo'l infratuzilmasini yaxshilash bo'yicha tegishli chora-tadbirlar dasturi ko'rib chiqilmoqda.
Maktabga qatnov masalasiga oid maktab avtobuslari bo'yicha so'rovnoma natijalarini ham e'lon qilgan edik.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring