Prezident Shavkat Mirziyoyev Andijon tumanidagi “Ipak yo'li” sanoat zonasi hududida joylashgan “Andijon-Huanya” xalqaro texnikumi faoliyati bilan tanishdi — bu haqda Prezident matbuot xizmati xabar berdi.
Texnikum haqida
- Texnikum to'qimachilik, mashinasozlik, elektrotexnika va boshqa yuqori texnologiyali korxonalar uchun mutaxassislar tayyorlaydi;
- Loyihaning umumiy qiymati 15 million dollarni tashkil etib, to'liq xorijiy investitsiyalar hisobiga amalga oshirilgan, 150 ta yangi ish o'rni yaratilgan;
- 4 gektar maydonda 5 ming nafar o'quvchiga mo'ljallangan zamonaviy o'quv binosi qurib bitkazilgan;
- Keyingi bosqichda yotoqxona, laboratoriya binosi, sport maydonchasi, oshxona va yashil hudud barpo qilinadi.
Reklama
O'qish jarayoni va rejalar
Muassasada dual ta'lim tizimi joriy etilgan: o'quvchilar nazariy bilimlarni texnikumda egallab, amaliyotni sanoat zonasidagi yirik korxonalarda o'taydi.
Texnikum joriy yil iyun oyida ishga tushirilgan, hozirda unda 210 nafar o'quvchi tahsil olmoqda. 2030-yilga qadar yillik qabulni 1 ming 800 nafarga, o'quvchilarning umumiy sonini 4 ming nafarga yetkazish va ta'lim yo'nalishlari sonini 20 taga ko'paytirish rejalashtirilgan.
Andijon tumanidagi “Ipak yo'li” sanoat zonasi hududida.
To'qimachilik, mashinasozlik, elektrotexnika va boshqa yuqori texnologiyali yo'nalishlarda.
Hozirda 210 nafar o'quvchi o'qimoqda; 2030-yilga qadar ularning sonini 4 ming nafarga yetkazish rejalashtirilgan.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring