Qashqadaryo viloyati Yakkabog' tumanida yashovchi boshlang'ich sinf o'qituvchisi Baxor Beknazarova 44 yoshida oliy ta'lim olishga kirishdi: u 2002-yildan buyon o'qituvchi bo'lib ishlab, hozir ish faoliyatini davom ettirgan holda Shahrisabz davlat pedagogika institutida sirtqi shaklda tahsil olmoqda.
Faoliyati haqida
Baxor Beknazarova 1983-yilda Yakkabog' tumanida tug'ilgan. 2002-yilda pedagogika texnikumini imtiyozli tamomlab, mehnat faoliyatini boshlang'ich sinf o'qituvchisi sifatida boshlagan — dastlab 48-maktabda, keyinchalik tumandagi 83-maktabda faoliyat yuritib kelmoqda. 2024-yilda u institutning boshlang'ich ta'lim yo'nalishiga o'qishga kirib, ayni paytda 3-kursda tahsil olmoqda.
Reklama
O'qish va ishni birga olib borish
Uning so'zlariga ko'ra, oliy ta'lim olish istagi avvaldan bo'lgan, biroq oila, ish va farzandlar bilan bog'liq mas'uliyatlar sabab reja keyinga surilgan.
Fursat shu vaqtda kelgan bo'lsa kerak. Oldin oila, ish, farzandlar bilan bog'liq vazifalar bor edi. Barcha imkoniyatlarimizni farzandlarimning ta'lim-tarbiyasiga yo'naltirdik. Orzularimning barchasini farzandlarimda ko'rishni xohlardim.
Baxor Beknazarova
U hozir ingliz tilini ham o'rganmoqda va kelgusida magistratura, undan keyin PhD bosqichida tahsil olishni rejalashtirmoqda. O'qituvchining fikricha, ta'lim olish hech qachon to'xtamaydi va yangi bilimlarni o'zlashtirish kasbiy rivojlanishning muhim qismidir.
Izohlar (0)
Izoh yozish uchun tizimga kiring.
Hozircha izohlar yo‘q.
Birinchi bo‘lib izoh qoldiring