O‘zbekiston Respublikasi Prezidentining farmoniga muvofiq, Mustaqillik bayrami munosabati bilan yurtdoshlarimiz ketma-ket 4 kun dam oladigan bo‘lishdi. Bu bayram kunlari nafaqat hordiq chiqarish, balki talaba va o‘quvchilar uchun yangi o‘quv yiliga tayyorgarlik ko‘rish imkonini beradi.
Mustaqillik bayrami dam olish kunlari jadvali
Bayram munosabati bilan quyidagi kunlar dam olish kuni deb e’lon qilindi:
- 31-avgust, shanba: 6 kunlik ish haftasida ishlovchilar uchun qo‘shimcha dam olish, 5 kunliklar uchun odatiy dam olish kuni.
- 1-sentyabr, yakshanba: Mustaqillik bayrami (rasmiy bayram kuni).
- 2-sentyabr, dushanba: Mehnat kodeksining 208-moddasiga binoan, bayram yakshanbaga to‘g‘ri kelgani sababli ko‘chirilgan dam olish kuni.
- 3-sentyabr, seshanba: Barcha xodimlar uchun qo‘shimcha dam olish kuni.
Yangi o‘quv yili qachon boshlanadi?
Bayram tadbirlaridan so‘ng ta’lim muassasalarida dars jarayonlari quyidagi sanalarda boshlanadi:
- Maktablar, akademik litseylar va kasb-hunar maktablarida — 4-sentyabr;
- Kollej va texnikumlarning 2-kurs va undan yuqori bosqichlari uchun — 4-sentyabr;
- Barcha oliygohlar talabalari uchun darslar — 9-sentyabr kunidan start oladi.
Eslatib o‘tamiz, kollej va texnikumlarning 1-kursiga qabul jarayonlari davom etayotgani sababli, ularning o‘qish boshlanish sanasi keyinroq ma’lum qilinadi. Bu yangilik haqida fikringizni izohlarda qoldiring.
Izohlar (0)
Izoh yozish uchun tizimga kiring.