Hindiston Bosh vaziri Narendra Modi o'zbekistonlik talabalar uchun hind tili bo'yicha Lal Bahodur Shastri stipendiyasi ta'sis etilishini e'lon qildi. Tashabbus Hindistonning sobiq Bosh vaziri Lal Bahodur Shastri vafotining 60 yilligi munosabati bilan ilgari surildi, bu haqda Hindiston Bosh vaziri rasmiy saytida ma'lum qilindi.
Stipendiya ikki davlat rahbarlarining muzokaralari chog'ida e'lon qilindi. Uchrashuvda qadimiy sivilizatsiyalar o'rtasidagi aloqalar va xalqlar o'rtasidagi munosabatlar ikki tomonlama sheriklikka yangi ruh bag'ishlayotgani qayd etildi. Yangi stipendiya O'zbekistonda hind tilini o'rganayotgan talabalar uchun qo'shimcha imkoniyat yaratadi.
Ta'lim va ilmiy hamkorlik bo'yicha kelishuvlar
Reklama
Muzokaralar yakunida madaniyat, oliy ta'lim va ilmiy tadqiqotlar, salohiyatni oshirish, arxivlar, iqtisodiy hamkorlik, atrof-muhit, turizm, tog'-kon sanoati va ayurveda yo'nalishlarini qamrab olgan memorandum hamda kelishuvlar imzolandi. Ular qatorida Toshkent davlat sharqshunoslik universitetida Hindiston madaniy aloqalar kengashi (ICCR) qoshida sanskrit tili kafedrasini tashkil etish to'g'risidagi hujjat ham bor.
Bundan tashqari, Fayoztepa va Qoratepa buddaviylik yodgorliklarini restavratsiya qilish bo'yicha Niyat bayonnomasi imzolandi. Oliy ta'lim va ilmiy tadqiqotlar sohasidagi hamkorlik hujjatlari haqida avvalroq batafsil yozilgan edi.
Aral mintaqasi uchun ajratilgan grant
Muzokaralarda O'zbekistonning "Yashil makon" tashabbusi va Hindistonning "Ek Ped Maa Ke Naam" tashabbusi o'rtasidagi umumiy jihatlar inobatga olindi. Orol dengizi hududini ekologik tiklash bo'yicha davom etayotgan ishlarga Hindiston tomonidan 1 million AQSh dollari miqdorida grant ajratilishi ma'lum qilindi. Ikki davlat rahbari Ko'ksaroy qarorgohi bog'ida birgalikda daraxt ham ekdi.
Izohlar (0)
Izoh yozish uchun tizimga kiring.