KOICA Grant Dasturi: Janubiy Koreyada Bepul Magistratura
KOICA (Koreya xalqaro hamkorlik agentligi) o‘zbekistonlik mutaxassislar uchun nufuzli magistratura grantlarini e’lon qildi. Ushbu dastur to‘liq moliyalashtirilgan bo‘lib, u talabalar va davlat xizmatchilari uchun o'z malakasini oshirishda ajoyib imkoniyatdir.
Grant Kimlar Uchun Mo'ljallangan?
KOICA Scholarship Program dasturida qatnashish uchun nomzodlar O‘zbekiston Respublikasi hukumati tomonidan rasman tavsiya etilishi lozim. Grantga quyidagi toifadagi fuqarolar ariza topshirishlari mumkin:
- Davlat xizmatchilari va davlat tashkilotlari xodimlari;
- Banklar, tadqiqot institutlari va davlat maktablari o‘qituvchilari;
- Kamida ikki yillik rasmiy ish stajiga ega bo‘lgan mutaxassislar;
- Bakalavr darajasi diplomiga ega va ingliz tilini (og‘zaki hamda yozma) mukammal biladigan nomzodlar.
Grantning Afzalliklari va Bonuslari
Dastur g'oliblari Janubiy Koreyaning nufuzli universitetlarida, jumladan Seul Milliy Universitetida (SNU) tahsil olish imkoniga ega bo'ladilar. Grant quyidagi xarajatlarni to'liq qoplaydi:
- O‘quv to‘lovlari (kontrakt);
- Bepul turar-joy va tibbiy sug‘urta;
- Borish va qaytish aviachiptalari;
- Har oylik stipendiya va o'quv materiallari uchun bonuslar.
Agar sizni mahalliy oliygohlar va ulardagi kirish ballari qiziqtirsa, saytimiz orqali tegishli ma'lumotlarni olishingiz mumkin.
KOICA Haqida Qisqacha
Korea International Cooperation Agency (KOICA) 1991-yilda Janubiy Koreya Tashqi ishlar vazirligi tomonidan tashkil etilgan. Tashkilotning asosiy maqsadi hamkor mamlakatlarning iqtisodiy rivojlanishiga hissa qo‘shadigan kadrlar tayyorlashga ko‘maklashishdir. O‘zbekiston ushbu dasturning strategik hamkorlaridan biri hisoblanadi.
Izohlar (0)
Izoh yozish uchun tizimga kiring.