Prezidentning 2026-yil 28-avgustdagi “Iqtisodiyotda davlat ishtirokini qisqartirish va xususiylashtirish jarayonlarini jadallashtirish bo’yicha qo’shimcha chora-tadbirlar to’g’risida”gi PF-177-son Farmoni bilan yirik davlat oliy ta'lim muassasalarini bosqichma-bosqich tijoratlashtirish nazarda tutilgan. Bu orqali oliygohlarga xususiy investorlar va moliyaviy vositalarni jalb etish ko'zda tutilmoqda. Bu haqda Davlat aktivlarini boshqarish agentligi xabar berdi.
Xususiylashtirish hajmi
| Ko'rsatkich | Qiymat |
|---|---|
| Davlat ulushi savdoga chiqariladigan xo'jalik jamiyatlari | 84 ta |
| Ko'chmas mulk obyektlari | 1 242 ta |
| Tadbirkorlik va shaharsozlik uchun yer uchastkalari | qariyb 8 ming gektar |
| Aktivlarning umumiy qiymati | 100 trillion so'm |
| Yil yakunigacha kutilayotgan tushum | kamida 14 trillion so'm |
| Tugatiladigan yoki qayta tashkil etiladigan korxonalar | 85 ta |
Reklama
Xaridorlar uchun imtiyozlar
| Shart | Imtiyoz |
|---|---|
| Avans to'lovi | 35 foizdan 15 foizga tushiriladi |
| Aktiv qiymatini 6 oy ichida to'liq to'lash | 25 foiz chegirma |
| Qiymatning 35 foizini 3 oyda to'lash | Qolgan mablag'ni 5 yilgacha foizsiz to'lash |
| Qiymatning 50 foizini 6 oyda to'lash | Qolgan mablag'ni 7 yilgacha foizsiz to'lash |
Qolgan mablag'ni foiz hisoblanmagan holda bosqichma-bosqich to'lash imkoniyati ham beriladi. Bundan tashqari, ixtisoslashtirilgan tibbiyot markazlarini ham bosqichma-bosqich tijoratlashtirish belgilanmoqda.
Sotilmay qolgan aktivlar
Avval sotilmagan 84 ta aktiv boshlang'ich narxi 1 million so'm etib belgilanib, qayta auksionga chiqariladi. Aktiv uch oy davomida sotilmasa, narxni bosqichma-bosqich pasaytirish mexanizmi qo'llaniladi, ayrim hollarda esa avval pasaytirib, keyin oshirishni nazarda tutuvchi “gibrid auksion” mexanizmi joriy etiladi. Yangi mexanizmlar davlat ishtirokidagi tijorat banklari balansidagi aktivlarni realizatsiya qilishda ham qo'llanishi mumkin.
Davlat oliygohlariga moliyaviy mustaqillik berilishi jarayoni avvalroq ham boshlangan edi — moliyaviy mustaqillik berilgan oliygohlar ro'yxati alohida maqolada keltirilgan.
Izohlar (0)
Izoh yozish uchun tizimga kiring.