Ikkinchi va undan keyingi ta’limni olish tartibi tasdiqlandi

Ta'lim tizimida kutilayotgan o'zgarishlar haqida:

Qisqacha mazmun:
bilan Oliy taʼlim muassasalarida ikkinchi va undan keyingi taʼlimni olish tartibi to'g'risidagi nizom tasdiqlandi.
Ikkinchi va undan keyingi oliy taʼlim bo'yicha qabul parametrlari OTM kengashi tomonidan belgilanadi.
✅ Qabul natijalari har yili 30-avgustgacha OTM tomonidan eʼlon qilinadi.

---

Hukumat qarori (606-son, 24.09.2021 y.) bilan Oliy taʼlim muassasalarida ikkinchi va undan keyingi taʼlimni olish tartibi to'g'risidagi nizom tasdiqlandi.

Nizomga ko'ra, oliy maʼlumotga ega bo'lgan bakalavr (diplomli mutaxassis) darajasiga ega shaxslar bakalavriat taʼlim yo'nalishlari bo'yicha ikkinchi va undan keyingi oliy taʼlimni olishlari mumkin.

Ikkinchi va undan keyingi oliy taʼlim bo'yicha qabul parametrlari OTM kengashi tomonidan belgilanadi.

O'qishga kirish uchun abituriyentlar har yili 10-iyuldan 10-avgustgacha (shu kuni ham) Oliy va o'rta maxsus taʼlim vazirligi tomonidan ishlab chiqilgan maxsus elektron tizim orqali ro'yxatdan o'tadi.

Qabul tartibi (kirish imtihoni shakli, baholash mezonlari, imtihon o'tkazish muddatlari) har yili 1-iyulgacha OTM rasmiy veb-saytida eʼlon qilinadi.

✅ Qabul natijalari har yili 30-avgustgacha OTM tomonidan eʼlon qilinadi.

Ikkinchi va undan keyingi oliy taʼlimda o'qish 2-kursdan boshlanadi. Bunda o'qish davomiyligi tegishli bakalavriat taʼlim yo'nalishlari uchun belgilangan muddatdan bir yilga kam etib belgilanadi.

❌ Nizom oliy harbiy taʼlim muassasalariga nisbatan tatbiq etilmaydi.

Mazkur tartib 2022-yil 1-maydan kuchga kiradi.

Ta'lim sohasidagi boshqa yangiliklarni kuzatib boring.