Xususiy universitetlar uchun litsenziya berish nega to‘xtadi?
O‘zbekistonda xususiy universitetlar ochish jarayoni 9 oydan beri og‘zaki topshiriq asosida to‘xtab qolgan. Iqtisodchi Otabek Bakirovning so‘zlariga ko‘ra, yuzdan ziyod investorlar hozirda noaniq vaziyatda qolmoqda. Millionlab dollar sarmoya kiritilgan, bino va uskunalar tayyorlangan, ammo ruxsatnoma berish jarayoni sun'iy ravishda to'xtatilgan.
Litsenziyalarning "qora bozori" va korrupsiya xavfi
Ma’muriy to‘siqlar natijasida sohada noqonuniy savdolar avj olgan. 2022-yilda berilgan litsenziyalar narxi qora bozorda bir necha million dollargacha ko‘tarilgani aytilmoqda. Bu kabi holatlar nafaqat investorlar, balki sifatli ta'lim olmoqchi bo'lgan talaba yoshlar kelajagiga ham salbiy ta’sir ko‘rsatadi.
Yangi vazir Odil Abdurahmonovdan nimalar kutilmoqda?
Investorlar va jamoatchilik yangi tayinlangan Oliy ta’lim, fan va innovatsiyalar vaziri Odil Abdurahmonovdan ushbu sun’iy to‘siqlarni olib tashlashni kutmoqda. O‘zbekistondagi nufuzli oliygohlar qatoriga yangi va zamonaviy xususiy muassasalarning qo‘shilishi ta'lim sifatini oshirishga xizmat qiladi.
- 9 oylik og‘zaki taqiq investorlarni sarson qilmoqda;
- Litsenziya bozorida korrupsion holatlar yuzaga kelgan;
- Olimlar va professorlar jamoasi ishsiz qolish xavfida.
Ushbu vaziyat bo'yicha Davlat rahbariga ma'lumot yetkazilgani hozircha noma'lum, biroq tizimdagi bunday "zararkunandalik"ni tugatish vaqti kelgan.
Izohlar (0)
Izoh yozish uchun tizimga kiring.