VCIHAS: Charlz Darvin universitetida 50% gacha stipendiya

Vice-Chancellor’s International High Achievers Scholarships (VCIHAS)

Charlz Darvin universiteti (CDU) yuqori akademik natijalarga erishgan xalqaro talabalar uchun nufuzli stipendiya dasturini e'lon qildi. Bu imkoniyat talabalar uchun o‘z kelajagini xalqaro darajada qurishga katta yordam beradi.

Stipendiya haqida ma’lumot

VCIHAS dasturi bakalavriat yoki magistratura bosqichida tahsil oluvchi iqtidorli yoshlar uchun o‘qish to‘lovining 50% yoki 25% qismini qoplab beradi. Grant naqd pul ko‘rinishida berilmaydi va boshqa shaxsga o‘tkazilishi mumkin emas.

Muvofiqlik mezonlari

• Nomzod xalqaro talaba bo‘lishi va Avstraliyaning boshqa homiylik dasturlaridan foydalanmasligi kerak.
• Akademik ko‘rsatkichlar bo‘yicha kamida 95% umumiy ballga ega bo‘lishi talab etiladi.
• Universitetning ingliz tili va akademik talablariga to‘liq javob berish shart.
• Kirish ballari yo'nalishlar kesimida belgilanganidek, tanlangan kurs uchun barcha talablarni bajarish lozim.

Qanday qilib ariza topshirish mumkin?

Ariza topshirish ikki bosqichdan iborat:

1. CDU rasmiy sayti orqali o‘qish uchun ariza topshirish.
2. VCIHAS stipendiyasi uchun alohida ariza shaklini to‘ldirish va 600 so‘zdan oshmaydigan motivatsion esse taqdim etish.

Davomiy muvofiqlik shartlari

Stipendiyani kurs oxirigacha saqlab qolish uchun talaba har semestrda kamida 5.3 GPA ko‘rsatkichini qayd etishi va o‘quv jarayonida muvaffaqiyatsiz baholarga yo‘l qo‘ymasligi kerak. Shuningdek, talaba xalqaro talaba maqomini saqlab qolishi va o‘qish to‘lovining qolgan qismini o‘z vaqtida to‘lashi shart.

Ariza topshirishning oxirgi muddati: 2022-yil, 30-iyun (23:59 ACST).