O‘qishni ko‘chirish: Uzrli sabablar va kerakli hujjatlar

Uzrli sabablarga ko‘ra o‘qishni ko‘chirish tartibi

Oliy va o‘rta maxsus ta’lim vazirligi tomonidan uzrli sabablar asosida o‘qishini ko‘chirmoqchi bo‘lgan talabalar uchun arizalar qabuli e’lon qilindi. Prezidentning 279-sonli qaroriga muvofiq, hududiy ishchi guruhlar 20-dekabrdan 20-janvarga qadar faoliyat ko‘rsatadi. Ko‘plab talabalar uchun bu o‘qish joyini o‘zgartirishning qonuniy imkoniyatidir.

Kimlar ariza topshirishi mumkin?

Qarorga ko‘ra, fuqarolar quyidagi asosli sabablar bilan hududiy ishchi guruhlariga murojaat qilishlari mumkin:

• Talaba oila qurishi munosabati bilan turmush o‘rtog‘i doimiy yashaydigan hududdagi OTMga ko‘chish uchun;
• Davlat organlari xodimlarining ish joyi o‘zgarganda, ularning turmush o‘rtog‘i yoki voyaga yetmagan farzandi o‘qishini ko‘chirish uchun.

Shuningdek, turli oliygohlar va ulardagi o‘tish ballari haqidagi ma’lumotlar bilan saytimizda tanishib borishingiz mumkin.

Taqdim etiladigan hujjatlar ro‘yxati

O‘qishni ko‘chirish istagida bo‘lganlar quyidagi hujjatlarni taqdim etishlari lozim:

• Maxsus blankadagi ariza (joyida to‘ldiriladi);
• Reyting daftarchasi, akademik ma’lumotnoma yoki transkript nusxasi;
• Pasport nusxasi;
• Uzrli sababni asoslovchi rasmiy hujjatlar.

O‘qishni qayta tiklash bo‘yicha arizalar esa talabaning chetlatilganligiga necha yil bo‘lganligidan qat’i nazar, bevosita oliygohning o‘ziga topshiriladi.