Singapurda doktorantura: To‘liq grant va 1850$ stipendiya

Singapurda SINGA doktorantura dasturi: To‘liq grant va stipendiya

Singapur davlatining Fan, Texnologiya va Tadqiqotlar Agentligi (A*STAR) hamda yetakchi universitetlar (NTU, NUS, SUTD) tomonidan tashkil etilgan The Singapore International Graduate Award (SINGA) xalqaro talabalar uchun ajoyib imkoniyatdir. Dastur doirasida nomzodlar jahon darajasidagi laboratoriyalarda ilmiy izlanish olib borishlari mumkin.

Dastur yo‘nalishlari va talablar

Doktorlik tadqiqotlari asosan quyidagi sohalarni qamrab oladi:

• Biomedical Sciences;
• Physical Science and Engineering.

Nomzodlar uchun ingliz tilini yaxshi bilish va yuqori akademik ko‘rsatkichlarga ega bo‘lish talab etiladi. Qo‘shimcha ma’lumotlar uchun talabalar uchun bo‘limidagi yangiliklarni kuzatib boring.

Grantning afzalliklari

SINGA dasturi 4 yilgacha bo‘lgan o‘qishni to‘liq moliyalashtiradi:

• O‘quv to‘lovlari;
• Oylik 2000-2500 Singapur dollari miqdorida stipendiya;
• Aviachipta uchun 1500 Singapur dollari;
• Joylashib olish uchun 1000 Singapur dollari.

Kerakli hujjatlar

1. Pasport nusxasi va fotosurat;
2. Bakalavr/Magistratura diplomi va transkriptlar;
3. 2 ta tavsiyanoma.

Ariza topshirish va abituriyentlar uchun taqdim etilgan boshqa imkoniyatlar bilan tanishish uchun rasmiy saytga o‘ting: Onlayn ariza topshirish.