Doktorantlar va stajyor-tadqiqotchilar uchun muhim yangilik. 2026-yil 1-sentabrdan barcha stipendiyalar 7 foizga oshiriladi. Bu o‘zgarish oliy ta’limdan keyingi ta’lim bosqichidagi tadqiqotchilarga ham taalluqli.
Yangi miqdorlar 233-son qarorga muvofiq, ko‘rsatkichlar mehnatga haq to‘lashning eng kam miqdori (MHTEKM) nisbatan belgilangan. 2026-yil 1-sentabrdan MHTEKM 1 360 000 so‘m etib belgilangan.
2026-yil 1-sentabrdan yangi stipendiya miqdorlari
Reklama
| Ta’lim shakli | Koeffitsiyent | Bazaviy stipendiya |
|---|---|---|
| Stajyor-tadqiqotchi | 4,760 | 6 473 600 so‘m |
| Tayanch doktorantura (PhD) | 5,377 | 7 312 720 so‘m |
| Doktorantura (DSc) | 6,870 | 9 343 200 so‘m |
Ya’ni, PhD talabasi 7,3 mln so‘mdan, DSc doktoranti esa 9,34 mln so‘mdan ortiq oyiga oladi.
2027-yildan yangi tartib
PF-98-son farmonga muvofiq, 2027-yilda ustuvor ilmiy ixtisosliklarga qabul qilingan 1-kurs doktorantlariga bazaviy stipendiyaning 1,7 baravari to‘lanadi:
| Ta’lim shakli | Bazaviy (2026) | 1,7 baravar | Farq |
|---|---|---|---|
| Stajyor-tadqiqotchi | 6 473 600 so‘m | Qo‘llanilmaydi | — |
| Tayanch doktorantura (PhD) | 7 312 720 so‘m | 12 431 624 so‘m | +5 118 904 so‘m |
| Doktorantura (DSc) | 9 343 200 so‘m | 15 883 440 so‘m | +6 540 240 so‘m |
1,7 baravar oshirish kimlarga taalluqli
- Faqat 2027-yilda ustuvor ilmiy ixtisosliklarga qabul qilingan 1-kurs doktorantlariga (PhD va DSc);
- Bu oshirish stajyor-tadqiqotchilarga tatbiq etilmaydi;
- Avvalgi yillarda qabul qilingan 2-3-kurs doktorantlariga ham taalluqli emas;
- Stipendiya davlat byudjeti hisobidan tahsil oladiganlarga to‘lanadi.
Muhimi, 1,7 baravar oshirilgan stipendiya faqat 2027-yilda ustuvor ixtisoslikka yangi qabul qilingan doktorantlarga mo‘ljallangan. Bu — ilm-fanni rivojlantirish va ustuvor yo‘nalishlarga yoshlarni jalb etishga qaratilgan qadam. Stipendiyalarning umumiy oshishi esa avvalroq ish haqi va stipendiyalar 1-sentabrdan yangi miqdorda to‘lanishi haqidagi xabarda ham yoritilgan. Biz oliy ta’limdan keyingi ta’lim va stipendiya bo‘yicha yangiliklarni kuzatib, tahliliy yoritib boramiz.
Izohlar (0)
Izoh yozish uchun tizimga kiring.