Qisqacha mazmun:
Qozog'iston Taʼlim va fan vazirligining yozishicha, “Orda” (avvalgi “Silkway” xalqaro universiteti) va “Miras” universitetlari litsenziyasi to'xtatildi.
Maʼlum qilinishicha, 2020-yilda universitetlarda o'tkazilgan tekshiruvlar natijasida bir qator qonun buzilishi holatlari aniqlangan.
Mazkur kamchiliklar bartaraf etilguniga qadar mazkur OTMlar faoliyati to'xtatilgan edi.
Qozog'iston Taʼlim va fan vazirligining yozishicha, “Orda” (avvalgi “Silkway” xalqaro universiteti) va “Miras” universitetlari litsenziyasi to'xtatildi.
Maʼlum qilinishicha, 2020-yilda universitetlarda o'tkazilgan tekshiruvlar natijasida bir qator qonun buzilishi holatlari aniqlangan. Mazkur kamchiliklar bartaraf etilguniga qadar mazkur OTMlar faoliyati to'xtatilgan edi.
“OTMlar o'tgan 8 oy mobaynida taʼlim muassasalarida aniqlangan kamchiliklarni bartaraf etish emas, qo'mita qarori ustidan shikoyat qilish bilan o'tkazgan. Ammo Chimkent shahrining tumanlararo ixtisoslashtirilgan maʼmuriy sudi qaroriga ko'ra, qo'mita qarori o'z kuchida qoladigan bo'ldi”, – deyiladi vazirlik xabarida.
Shuningdek, vazirlik xabarida keltirishicha, avvalroq mamlakatning Taʼlim sifatini taʼminlash bo'yicha mustaqil agentlik ushbu universitetlar akkreditatsiyasini to'xtatgan. Qozog'iston qonunchiligiga ko'ra, bu OTMlarning bitiruvchilarga diplom bera olmasligini anglatadi.
“Qozog'iston Respublikasining «Taʼlim to'g'risida» gi Qonuniga binoan, taʼlim faoliyati bilan shug'ullanish uchun litsenziyani bekor qilish yoki taʼlim tashkilotini tugatish bilan muassisi talabalarni boshqa taʼlim tashkilotlariga o'tkazish choralarini ko'radi”, – deya qo'shimcha qilinadi xabarda.
Taʼkidlash lozim, o'z davlatida litsenziyaga ega bo'lmagan va akkreditatsiyalanmagan xorijiy OTMlar diplomlari O'zbekistonda tan olinmaydi.
Ta'lim sohasidagi boshqa yangiliklarni kuzatib boring.
Javoblar (0 )