Xususiy bog‘cha ochish uchun zarur litsenziya va ruxsatnomalarni olib berishni va’da qilib, evaziga 10 ming dollar talab qilgan shaxs qo‘lga olindi. Holat yuzasidan jinoyat ishi qo‘zg‘atilgan, deya xabar bermoqda Ta’lim xabarlari.
Sxema qanday ishlagan?
1984-yilda Andijon tumanida tug‘ilgan shaxs Baliqchi tumanida yashovchi 1974-yilda tug‘ilgan fuqaroga xususiy maktabgacha ta’lim muassasasi tashkil etishda yordam berishini aytgan. U o‘zining yuqori lavozimlarda ishlaydigan tanishlari orqali xususiy bog‘cha ochish uchun zarur bo‘lgan litsenziya va boshqa ruxsatnomalarni olib berishni va’da qilgan.
Reklama
Qanday fosh qilindi?
Ichki ishlar organlari tomonidan o‘tkazilgan tezkor tadbir davomida gumonlanuvchi Andijon shahrining Mustaqillik mahallasida kelishilgan pulning 5 ming dollarini olayotgan vaqtida ashyoviy dalillar bilan qo‘lga olingan. Gumonlanuvchi protsessual tartibda ushlangan, hozirda dastlabki tergov harakatlari olib borilmoqda.
Avvalroq Andijonda 1-sinf uchun pora talab qilgan xodim ushlangani haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.