Andijon viloyatining Asaka tumanida maktab xodimi fuqaroning farzandini 1-sinfga qabul qilishni va'da qilib, buning evaziga 300 AQSH dollari talab qildi.
Andijon viloyati IIB ma'lum qilishicha, mazkur shaxs Asaka tumani maktabgacha va maktab ta'limi bo'limi tasarrufidagi umumiy o'rta ta'lim maktabida kadrlar bo'yicha menejer lavozimida ishlagan.
U o'z xizmat mavqeidan foydalanib, fuqaroning farzandini 1-sinfga o'qishga kiritib qo'yishni va'da qilgan va buning uchun pora talab qilgan.
Qanday ushlandi
Tezkor tadbir davomida mazkur shaxs talab qilingan pulni olayotgan vaqtda ashyoviy dalillar bilan qo'lga olindi.
Holat yuzasidan Jinoyat kodeksining 168-moddasi (firibgarlik) hamda 211-moddasi (pora berish) tegishli qismlari bilan jinoyat ishi qo'zg'atilgan. Hozirda tergov harakatlari olib borilmoqda. Avvalroq Navoiy va Farg'onada ham shunga o'xshash holatlar fosh etilgandi.
Ta'lim sohasidagi eng dolzarb yangiliklar va rasmiy e'lonlarni InfoEdu.uz saytida o'qishingiz mumkin.
Reklama
Izohlar (0)
Izoh yozish uchun tizimga kiring.