Andijonda yana bir xususiy oliygoh faoliyat ko’rsatish huquqini qo’lga kiritdi

Toshkent xalqaro universiteti (TIU) Andijon shahrida faoliyat yuritish uchun litsenziya oldi. 20 ta yo’nalish bo’yicha kunduzgi, sirtqi va masofaviy ta’lim shakllari mavjud.

Umidjon Esirgapov

19.07.2026·2 daqiqalik o‘qish

InfoEdu.uz'ni Google'ga qo'shish

1993

Andijonda yana bir xususiy oliygoh faoliyat ko’rsatish huquqini qo’lga kiritdi

Toshkent shahrida tashkil topgan Tashkent International University (TIU) Andijon viloyatida faoliyat ko'rsatish huquqini qo'lga kiritdi. Oliy ta'lim, fan va innovatsiyalar vazirligi tomonidan 17-iyul kuni universitet litsenziyasiga Andijon shahridagi manzil rasman qo'shildi.

Yangi manzil Andijon shahri, Yangi Turmush MFY, Cho'lpon shoh ko'chasi, 3-uy manzilida joylashgan. Shu paytgacha universitet faqat Toshkent shahri, Yunusobod tumanidagi binosida faoliyat yuritib kelayotgan edi. Endilikda Andijonlik abituriyentlar uchun ham TIU'da o'qish imkoniyati yaratildi.

Qaysi yo'nalishlar mavjud

Reklama

Universitet litsenziyasiga ko'ra jami 20 ta ta'lim yo'nalishi bo'yicha kadrlar tayyorlanadi. Bular orasida eng dolzarb yo'nalishlar quyidagilar:

Sun'iy intellekt — kunduzgi ta'lim
Kiberxavfsizlik injiniringi — kunduzgi, sirtqi va masofaviy
Dasturiy injiniring — kunduzgi va masofaviy
Kompyuter injiniringi — kunduzgi, sirtqi va masofaviy
Axborot tizimlari va texnologiyalari — kunduzgi va masofaviy
Iqtisodiyot, Moliya, Bank ishi, Marketing — kunduzgi, sirtqi va masofaviy
Yurisprudensiya, Psixologiya, Menejment — kunduzgi, sirtqi va masofaviy
Filologiya va tillarni o'qitish, Xorijiy til va adabiyoti — kunduzgi
Maktabgacha ta'lim, Boshlang'ich ta'lim — kunduzgi va masofaviy

Bundan tashqari magistratura bosqichi uchun Iqtisodiyot va Moliya yo'nalishlari ham mavjud. Ko'pchilik yo'nalishlar uchun masofaviy ta'lim shakli ham taqdim etilgani ishlaydigan abituriyentlar uchun qulaylik yaratadi.

TIU haqida qisqacha

Tashkent International University 2023-yilda tashkil etilgan bo'lib, O'zbekiston Respublikasi Vazirlar Mahkamasining 2019-yildagi 900-son qarori asosida faoliyat yuritadi. Universitetning asosiy litsenziyasi 2023-yil 16-oktabrda berilgan va muddatsiz amal qiladi. Litsenziya raqami — №1716384.

Yangi litsenziya bilan Andijondagi xususiy oliygohlar soni yana bittaga oshdi. O'zbekistondagi boshqa xususiy oliygohlar ro'yxati bilan tanishib chiqishingiz mumkin.

Ta'limga oid eng dolzarb yangiliklarni InfoEdu.uz orqali muntazam kuzatib boring.

Litsenziyaga Andijon manzili 2026-yil 17-iyulda qo'shilgan. Universitet rasmiy ravishda Andijonda faoliyat yuritish huquqiga ega. Qabul sanalari haqida universitet rasmiy sayti yoki Telegram kanali orqali ma'lumot olishingiz mumkin.

Universitet kunduzgi, sirtqi va masofaviy ta'lim shakllarini taklif qiladi. Ko'pchilik yo'nalishlarda uchala shakl ham mavjud bo'lib, ayniqsa IT va iqtisodiyot yo'nalishlari masofaviy formatda ham o'zlashtirilishi mumkin.

Universitet litsenziyasi Oliy ta'lim, fan va innovatsiyalar vazirligi tomonidan berilgan bo'lib, litsenziya raqami №1716384. Litsenziya haqiqiyligini vazirlikning rasmiy litsenziya reyestri orqali onlayn tekshirish mumkin.

Telegram kanalga a'zo bo'ling

#Andijon #litsenziya #xususiy oliygoh

Reklama

MUALLIFUmidjon EsirgapovInfoedu.uz asoschisi marketing va ta’lim sohasida 5 yillik tajribaga ega ekspert.