Xususiy oliygoh tanlashda 14 ta muhim omil

Xususiy oliygoh tanlayotgan abituriyentlar uchun eng muhim qadamlardan biri — tanlagan ta'lim muassasasining barcha talablarga javob berishiga ishonch hosil qilish. Xususiy OTM diplomi davlat namunasidan farq qilmasligi uchun oliygohning quyidagi mezonlarga javob berishi muhim.

Mana xususiy oliygoh tanlashda e'tibor qaratilishi kerak bo'lgan 14 ta muhim omil:

1. Litsenziya: Oliy ta'lim xizmatlarini ko'rsatish uchun tegishli litsenziyaga ega bo'lishi;
2. Yo'nalish litsenziyasi: Siz qabul qilinayotgan yo'nalish litsenziyada ko'rsatilgan bo'lishi;
3. Manzil: Faoliyat ko'rsatayotgan manzil litsenziyaga kiritilgan bo'lishi;
4. HEMIS tizimi: Oliygoh HEMIS dasturiga ulangan bo'lishi — bu diplomning qonuniyligini tasdiqlaydi;
5. Shartnoma hisobi: Pul o'tkaziladigan hisob "jismoniy karta" emas, balki OTMning bank hisob raqami bo'lishi;
6. Elektron kutubxona: Kamida 60 ta kompyuter bilan jihozlangan elektron kutubxona mavjudligi;
7. Axborot-resurs markazi: Kamida 20 ta kompyuter, skaner va nusxa ko'chirish apparati bilan jihozlangan markaz;
8. Ilmiy salohiyat: Ilmiy daraja va ilmiy unvonga ega o'qituvchilarning mavjudligi;
9. Hudud chegarasi: Oliygoh devor yoki panjara bilan o'ralgan bo'lishi;
10. Ko'kalamzorlashtirish: Hududning ko'kalamzorlashtirilganligi;
11. Yoritish: Tungi yoritgichlarning o'rnatilganligi;
12. Kommunikatsiya: Ichimlik suv va kanalizatsiya bilan ta'minlanganligi;
13. Sport va dam olish: Stadion (sport yo'nalishlari bo'lsa) va dam olish qismlari mavjudligi;
14. Qo'shimcha xonalar: Faollar zali, oshxona (bufet), tibbiyot xonasi va yotoqxona mavjudligi.

Ushbu ro'yxatdagi har bir band xususiy OTMning qonuniy va sifatli ta'lim berish qobiliyatini belgilaydi. Ayniqsa, litsenziya va HEMIS tizimi eng muhim omillar hisoblanadi — ularsiz berilgan diplom haqiqiy davlat namunasidagi diplom bo'lmasligi mumkin.

Ta'limga oid eng foydali ma'lumotlarni InfoEdu.uz orqali kuzatib boring.