O’zbekiston-Qozog’iston: Taʼlim sohasidagi hamkorlik kuchayadi

Oliy ta'lim muassasalari bilan bog'liq muhim yangilik:

Qisqacha mazmun:
Xabar berilganidek, O'zbekiston va Qozog'iston rahbarlarining kengaytirilgan muzokaralari yakunida ikki davlat o'rtasida turli sohalardagi kelishuv va shartnomalar qatorida oliy taʼlim va undan keyingi taʼlim sohasida hamkorlik to'g'risida bitim imzolandi.
Hujjat ikki mamlakatning oliy taʼlim tizimiga masʼul rahbarlar tomonidan imzolandi va o'zaro manfaatli hamkorlikni bundan buyon ham davom ettirishga kelishib olindi.
Bitim har yili 20 nafar ikki mamlakat fuqarolarini oliy o'quv yurtlarda o'qitish, O'zbekistonda qozoq tili va adabiyoti, Qozog'istonda esa o'zbek tili va adabiyotini o'qitishni yo'lga qo'yish, taʼlim va ilm-fan sohasida loyihalarni amalga oshirish, dasturlar, konferensiya, seminar, mahorat darslari, olimpiadalar tashkil etish, ilmiy tadqiqotlar olib borish, ikki davlat ilmiy jurnallarida maqolalar chop etishni kuzda tutadi.

---

Xabar berilganidek, O'zbekiston va Qozog'iston rahbarlarining kengaytirilgan muzokaralari yakunida ikki davlat o'rtasida turli sohalardagi kelishuv va shartnomalar qatorida oliy taʼlim va undan keyingi taʼlim sohasida hamkorlik to'g'risida bitim imzolandi.

Hujjat ikki mamlakatning oliy taʼlim tizimiga masʼul rahbarlar tomonidan imzolandi va o'zaro manfaatli hamkorlikni bundan buyon ham davom ettirishga kelishib olindi.

Bitim har yili 20 nafar ikki mamlakat fuqarolarini oliy o'quv yurtlarda o'qitish, O'zbekistonda qozoq tili va adabiyoti, Qozog'istonda esa o'zbek tili va adabiyotini o'qitishni yo'lga qo'yish, taʼlim va ilm-fan sohasida loyihalarni amalga oshirish, dasturlar, konferensiya, seminar, mahorat darslari, olimpiadalar tashkil etish, ilmiy tadqiqotlar olib borish, ikki davlat ilmiy jurnallarida maqolalar chop etishni kuzda tutadi.

Taʼkidlash o'rinliki, bugungi kunda O'zbekiston va Qozog'iston o'rtasida universitetlararo aloqalar yanada kengaydi. Hozirda O'zbekiston va Qozog'iston oliy o'quv yurtlari (Qozog'istonning 70 dan ortiq universiteti) o'rtasida hamkorlik bo'yicha 230 dan ortiq shartnoma va memorandum mavjud.

Mamlakatimizning 6 ta oliy o'quv yurtida qozoq tili va adabiyoti yo'nalishlarida kadrlar tayyorlanmoqda.

Shuningdek, O'zbekistonda har yili Qozog'iston oliy o'quv yurtlarining “Qozog'iston taʼlim kunlari” ko'rgazma-yarmarkalari o'tkaziladi.

Bugungi muzokaralarda tomonlar Markaziy Osiyo rektorlari forumini bundan buyon anʼanaviy tarzda tashkil etib borishni qo'llab-quvvatladilar. Maʼlumot o'rnida, joriy yil 12-13-may kunlari Olmaota shahrida tashkil etilgan Markaziy Osiyo mamlakatlari rektorlarining birinchi forumida yurtimizning 15 dan ortiq oliy o'quv yurti rektori va vazirlik masʼullaridan iborat delegatsiya ishtirok etgan edi.

Oliy va o‘rta maxsus ta’lim vazirligi axborot xizmati

Siz bu yangilikka qanday qaraysiz? Izoh qoldiring.