Oliy taʼlim muassasalariga kirish istagida bo‘lgan Isʼhoqxon Ibrat nomidagi xorijiy tillarga ixtisoslashtirilgan maktab-internati bitiruvchilari uchun muhim imtiyozlar belgilangan. Ushbu maqolada ushbu imtiyozlarning tartibi va shartlari haqida batafsil maʼlumot beriladi.
Isʼhoqxon Ibrat maktab-internati haqida qisqacha
Namangan viloyati To‘raqo‘rg‘on tumanida joylashgan Isʼhoqxon Ibrat nomidagi xorijiy tillarga ixtisoslashtirilgan maktab-internati O‘zbekiston Respublikasi Vazirlar Mahkamasining 2017-yil 5-sentabrdagi 698-sonli Qaroriga muvofiq tashkil etilgan.
Bitiruvchilarga OTMga kirishda beriladigan imtiyozlar
O‘zbekiston Respublikasi Vazirlar Mahkamasining 2017-yil 20-iyundagi 393-sonli qarori bilan tasdiqlangan Nizomga ko‘ra, Namangan viloyati To‘raqo‘rg‘on tumanidagi Isʼhoqxon Ibrat nomidagi xorijiy tillarga ixtisoslashtirilgan maktab-internatning butun o‘qish davrini aʼlo baholarga tamomlagan bitiruvchilari uchun oliy taʼlim muassasalariga kirishda quyidagi imtiyozlar belgilangan:
- O‘zbekiston Respublikasi Oliy va o‘rta maxsus taʼlim vazirligining tavsiyasiga asosan, Davlat komissiyasi qarori bilan qabul qilinadilar.
- Faqatgina oliy taʼlim muassasalari bakalavriatining xorijiy til va adabiyoti, filologiya va tillarni o‘qitish taʼlim yo‘nalishlariga kirish imkoniyati beriladi.
- Qabul jarayonida tanlovdan tashqari ishtirok etadilar.
- Test sinovlarisiz va kasbiy (ijodiy) imtihonlarsiz o‘qishga qabul qilinadilar.
- Qo‘shimcha davlat grantlari asosida tahsil olish imkoniyatiga ega bo‘ladilar.
Bu noyob imkoniyat Isʼhoqxon Ibrat maktab-internatida aʼlo baholarga o‘qigan yoshlarga kelajakda yuqori malakali mutaxassis bo‘lish yo‘lida katta ko‘mak beradi. Taʼlim sohasidagi boshqa yangiliklar va repetitsion test sinovlari haqida maʼlumotlar uchun sahifamizni kuzatib boring.
Talabalar uchun muhim yangiliklar va boshqa taʼlimga oid maʼlumotlarni bizning saytimizda topishingiz mumkin.
Izohlar (0)
Izoh yozish uchun tizimga kiring.