Helmut Veith Stipendiyasi: Avstriyada magistratura imkoniyati

Helmut Veith stipendiyasi: Kompyuter fanlari bo'yicha magistratura

Kompyuter fanlari sohasida o'z kelajagini qurayotgan ayol-qizlar uchun ajoyib imkoniyat! Helmut Veith magistrlik stipendiyasi Avstriyaning nufuzli TU Wien (Vena Texnologiya Universiteti)da tahsil olishni istagan iqtidorli nomzodlar uchun mo'ljallangan.

Ushbu grant informatika, dasturiy ta'minot va kompyuter xavfsizligi sohasida katta hissa qo'shgan olim Helmut Veith xotirasiga bag'ishlangan bo'lib, ayollarning texnologiya sohasidagi ishtirokini qo'llab-quvvatlaydi.

Stipendiya miqdori va imtiyozlar

Tanlangan nomzodlarga yiliga 6000 yevro miqdorida stipendiya ajratiladi va o'quv to'lovlari qoplab beriladi. Grant 2 yil muddatga mo'ljallangan.

Nomzodlarga qo'yiladigan talablar

• Barcha millat vakili bo'lgan ayollar ariza topshirishi mumkin;
• Kompyuter fanlari, informatika yoki matematika bo'yicha bakalavr darajasi;
• Informatika, sun'iy intellekt, dasturiy injiniring yoki kiberxavfsizlik kabi yo'nalishlarga qiziqish;
• Ingliz tilini mukammal bilish (B2 va undan yuqori).

Agar siz xorijda o'qishni rejalashtirayotgan bo'lsangiz, talabalar uchun foydali ma'lumotlar bilan tanishib chiqishingiz mumkin. Shuningdek, universitetga kirish jarayoni va kirish ballari yo'nalishlar kesimida ma'lumotlar sizga yo'nalish tanlashda yordam beradi.

Ariza topshirish tartibi

Hujjatlar to'plami (CV, motivatsion xat, diplom, tavsiyanomalar va til sertifikati) PDF formatida [email protected] elektron manziliga yuborilishi shart. Batafsil ma'lumotlar uchun rasmiy havolaga o'ting.