2026/2027-o'quv yili uchun qabul jarayonlari qizg'in davom etmoqda. 22-iyul soat 13:30 holatiga ko'ra eng so'nggi statistika e'lon qilindi. Beshta asosiy yo'nalish bo'yicha hozirgi manzara bilan tanishing. Magistratura statistikasi haqida avvalroq ham ma'lumot berilgan edi.
Umumiy statistika
| Yo'nalish | Arizalar | Qabul muddati |
| Magistratura | 36 814 | 30-iyulgacha |
| Texnikum → OTT (suhbat) | 4 368 | 25-iyulgacha |
| Ikkinchi mutaxassislik | 11 301 | 10-avgustgacha |
| Ko'chirish/tiklash (davlat OTM) | 16 463 | 5-avgustgacha |
| Ko'chirish/tiklash (nodavlat OTM) | 787 | 5-avgustgacha |
Jami beshta yo'nalish bo'yicha 69 733 ta ariza kelib tushgan.
Eng yaqin deadline'lar
Vaqt hali bor, lekin ba'zi yo'nalishlar bo'yicha qabul tez orada yopiladi:
- 25-iyul — texnikum bitiruvchilarini OTTlarga suhbat asosida qabul qilish yakunlanadi (3 kun qoldi);
- 30-iyul — magistraturaga hujjat topshirish tugaydi (8 kun qoldi);
- 5-avgust — o'qishni ko'chirish va tiklash bo'yicha qabul yopiladi;
- 10-avgust — ikkinchi mutaxassislik bo'yicha so'nggi kun.
Platformalar eslatmasi
Magistratura, ikkinchi mutaxassislik va texnikum bitiruvchilari uchun arizalar my.edu.uz orqali onlayn qabul qilinmoqda. O'qishni ko'chirish va tiklash bo'yicha arizalar esa transfer.edu.uz platformasi orqali topshiriladi. Ikkala platforma ham kecha-yu kunduz ishlaydi.
InfoEdu.uz jurnalistlari qabul jarayonidagi eng so'nggi statistika va o'zgarishlarni muntazam kuzatib boradi.
Reklama
Izohlar (0)
Izoh yozish uchun tizimga kiring.