2026/2027-o‘quv yili uchun umumiy o‘rta ta’lim maktablarida faoliyat yuritayotgan oliy malaka toifasiga ega o‘qituvchilar uchun pedagogika sohasi magistraturasiga masofaviy ta’lim shaklida 200 ta maqsadli qabul kvotasi ajratildi. Kvotalar mutaxassisliklar va o‘qitish tillari kesimida taqsimlangan.
Mazkur kvotalar O‘zbekiston milliy pedagogika universitetida tashkil etiladigan maqsadli magistratura uchun belgilangan. Boshqa bakalavriat va magistratura qabul parametrlari bilan 2026/2027-o‘quv yili qabul kvotalarining to‘liq taqsimoti orqali tanishishingiz mumkin.
Oliy toifali o‘qituvchilar uchun nechta kvota ajratildi?
Reklama
Tasdiqlangan taqsimotga ko‘ra, maqsadli magistratura uchun jami 200 ta kvota ajratilgan. Shundan:
- o‘zbek tilida — 152 ta;
- rus tilida — 48 ta.
Kvotalar qaysi mutaxassisliklarga taqsimlandi?
| Mutaxassislik | Jami |
|---|---|
| Pedagogika nazariyasi va tarixi | 40 |
| Pedagogika | 60 |
| Ta’lim va tarbiya nazariyasi va metodikasi (boshlang‘ich ta’lim) | 40 |
| O‘zbek tili va adabiyoti | 10 |
| Ijtimoiy-gumanitar fanlarni o‘qitish metodikasi (huquq ta’limi) | 10 |
| Ijtimoiy-gumanitar fanlarni o‘qitish metodikasi (tarix) | 10 |
| Aniq va tabiiy fanlarni o‘qitish metodikasi (matematika) | 10 |
| Ta’limda axborot texnologiyalari | 10 |
| Testologiya va bilimlarni baholash | 10 |
InfoEdu.uz o‘rganishicha, mazkur qabul parametrlari oliy malaka toifasiga ega maktab o‘qituvchilarining pedagogika yo‘nalishidagi magistraturada masofaviy ta’lim olishi uchun tasdiqlangan.
📄 Qabul kvotalarining to‘liq taqsimotini yuklab olish:
Izohlar (0)
Izoh yozish uchun tizimga kiring.