Graduate Research Scholarship: Melburn universitetida bepul o’qish

Graduate Research Scholarship: Melburn universitetida bepul o'qish imkoniyati

Avstraliyaning nufuzli Melburn universiteti tomonidan taqdim etilayotgan Graduate Research Scholarship dasturi xalqaro talabalarga magistratura va doktorantura bosqichlarida bepul ta'lim olish imkonini beradi. Har yili 600 ga yaqin nomzod ushbu grant sohibiga aylanadi.

Dastur davomiyligi va imtiyozlar

Grant quyidagi muddatlarni qamrab oladi:

• Magistratura: 2 yilgacha
• Doktorantura: 4 yilgacha

Dasturning asosiy afzalliklari:

• Kontrakt to‘lovidan to‘liq ozod etilish.
• Magistratura uchun 2 yilgacha, doktorantura uchun 3,5 yilgacha yashash xarajatlari uchun yiliga 31,200$ stipendiya.
• Avstraliyaga ko‘chib o‘tish uchun 3000$ miqdorida bir martalik yordam puli.
• Tibbiy sug‘urta xarajatlarining qoplanishi.

Kimlar ariza topshira oladi?

Nomzodlar Melburn universitetining tadqiqot magistr yoki doktorlik dasturlariga qabul qilingan yoki o‘qishga kirish talablariga to‘liq javob beradigan bo‘lishi shart. Agar siz talabalar uchun foydali ma'lumotlar izlayotgan bo'lsangiz, universitet hayoti va imkoniyatlari bilan tanishib chiqishingiz mumkin.

Hujjat topshirish tartibi

Dasturga hujjat topshirish jarayoni juda qulay:

• Yangi o‘qishga kiruvchilar: Tadqiqot kursiga ariza topshirganingizda, siz avtomatik ravishda ushbu grant uchun ham ro‘yxatdan o‘tasiz.
• Amaldagi talabalar: Agar siz ilgari stipendiya uchun tanlanmagan bo‘lsangiz, 31-oktyabrgacha ariza shakli orqali alohida murojaat qilishingiz kerak.

Batafsil ma’lumotlar bilan rasmiy sahifa orqali tanishishingiz mumkin. Shuningdek, abituriyentlar uchun mo'ljallangan boshqa xalqaro dasturlarni ham kuzatib boring.

Ko‘p so‘raladigan savollar uchun ushbu havolaga kiring.