Maktab direktori o'qituvchilarga yagona forma kiyish shart deb majburlashi qonunchilikda to'g'rimi? Bu savol ko'plab pedagoglarni qiziqtiradi — yoshi, oilaviy sharoiti inobatga olinishi kerak emasmi, degan savol ham tug'iladi.
Yurist javobi
Yo'q, direktor o'qituvchilardan bir xil forma kiyishni talab qilishga haqli emas.
Reklama
Xalq ta'limi vazirining 2022-yil 28-iyuldagi 246-son buyrug'iga ilovada tasdiqlangan "Umumiy o'rta ta'lim muassasalarining ichki tartib va odob-axloq qoidalari" 14-bandida maktab o'qituvchilarining kiyinishiga oid qoidalar belgilangan.
Bunda muassasa ustavi bilan ta'lim muassasasi rahbariyati va pedagog xodimlari formasining rangi hamda qo'shimcha belgilariga mazkur nizom talablaridan kelib chiqqan holda o'zgartirishlar kiritilishi mumkin. Ammo mazkur qoidalarda bir-xillik haqida mazmun yo'q.
Shunday ekan, direktorning o'qituvchilardan bir xil forma kiyishni talab qilishi noto'g'ri deb hisoblash mumkin. Ma'lumot muallimlar.uz saytidan olindi. Avvalroq maktablarda majburiy forma haqida yozgan edik. InfoEdu.uz o'qituvchilar huquqlari bo'yicha yangiliklarni yoritishda davom etadi.
Izohlar (0)
Izoh yozish uchun tizimga kiring.