Davlat granti asosida bitirgan talabalar uchun yangi imtiyoz
Oliy ta’lim muassasalarini davlat granti asosida tamomlagan bitiruvchilar uchun ajoyib yangilik: endilikda ular dastlabki sinov muddatisiz ishga kirish huquqiga ega bo‘lishdi. Ushbu qulaylik talabalar uchun Mehnat kodeksining yangi tahriri 129-moddasida rasman belgilab qo‘yilgan.
Imtiyoz kimlarga va qanday shartlarda amal qiladi?
Ushbu norma barcha bitiruvchilarga ham taalluqli emas. Imtiyoz quyidagi shartlar bajarilganda amal qiladi:
- Talaba oliy ta’lim muassasasini faqat davlat granti asosida tamomlagan bo‘lishi kerak;
- Ishga kirish o‘z mutaxassisligi bo‘yicha birinchi marotaba amalga oshirilishi lozim.
Shuni yodda tutish kerakki, agar bitiruvchi birinchi marta ushbu imtiyozdan foydalanib ishga kirsa va keyinchalik ishdan bo‘shab, boshqa korxonaga ishga o‘tmoqchi bo‘lsa, ikkinchi marta bu imtiyoz qo‘llanilmaydi.
Abituriyentlar va talabalar uchun foydali manbalar
Agar siz kelajakda davlat granti asosida o‘qishni maqsad qilgan bo‘lsangiz, kirish ballari yo'nalishlar kesimida ma'lumotlarni oldindan o'rganib chiqishni tavsiya qilamiz. Bu sizga to‘g‘ri tanlov qilishda yordam beradi.
Siz ushbu yangilikka qanday qaraysiz? Fikr va mulohazalaringizni izohlar bo‘limida qoldiring!
Izohlar (0)
Izoh yozish uchun tizimga kiring.