Charles Darwin universiteti: Avstraliyada ta'lim imkoniyati
Avstraliyaning nufuzli oliygohlaridan biri bo‘lgan Charles Darwin universiteti (CDU) xalqaro talabalar uchun 7500 AQSh dollari miqdoridagi "Destination Australia" grant dasturini e'lon qildi. 2003-yilda tashkil etilgan ushbu davlat universiteti bugungi kunda minglab talabalarga sifatli ta'lim berib kelmoqda.
Destination Australia grant dasturi haqida
Ushbu grant xalqaro talabalar uchun mo‘ljallangan bo‘lib, o‘qish to‘lovining 7500 dollargacha bo‘lgan qismini qoplab berishi ko‘zda tutilgan. Grant bakalavr va magistratura bosqichida tahsil olmoqchi bo‘lgan barcha davlat vakillari uchun ochiq. Ushbu imkoniyatdan foydalanmoqchi bo‘lgan talaba va abituriyentlar uchun qo‘shimcha imtiyozlar mavjud.
Grantga ariza topshirish tartibi
Eng muhim jihati shundaki, nomzodlar grant uchun alohida ariza topshirishlari shart emas. Universitetning bakalavr yoki magistratura kurslaridan biriga hujjat topshirish orqali avtomatik ravishda grant nomzodiga aylanasiz. Xorijiy ta'lim muassasalari bilan bir qatorda, mamlakatimizdagi oliygohlar kirish ballari bilan ham saytimizda tanishib chiqishingiz mumkin.
Qabul muddatlari va talablar
Hozirda universitetning 2-semestri uchun qabul jarayonlari ochiq. Qabul yakunlanish sanasi tanlangan yo‘nalishga qarab farq qilishi mumkin. Grant dasturi uchun hujjatlar ham aynan tanlangan kursning qabul muddati tugaguncha qabul qilinadi.
- Universitet: Charles Darwin University (Avstraliya)
- Grant miqdori: $7500 (o‘qish to‘lovi uchun)
- Ta'lim bosqichi: Bakalavr va magistratura
- Ariza topshirish: Alohida ariza talab etilmaydi
Batafsil ma'lumot va universitetga hujjat topshirish uchun rasmiy saytga tashrif buyurishingiz mumkin. Bu kabi xalqaro grantlar kelajakdagi karyerangiz uchun ulkan poydevor bo‘lib xizmat qiladi.
Izohlar (0)
Izoh yozish uchun tizimga kiring.