Pedagogika yo‘nalishi talabalari uchun imtiyozlar
O‘zbekiston Respublikasi Prezidentining PQ-289-sonli qaroriga muvofiq, 2023/2024 o‘quv yilidan boshlab pedagog kadrlar tayyorlovchi oliy ta’lim muassasalarining qo‘shma ta’lim dasturlarida tahsil olayotgan talabalar uchun yangi imkoniyatlar yaratildi. Endilikda ushbu talabalarning hamkor xorijiy oliygohlarda o‘qish davri uchun to‘lov-kontrakt mablag‘lari Davlat budjeti hisobidan qoplab beriladi.
To‘lov-kontraktni qoplash tartibi va shartlari
Ushbu imtiyoz barcha talabalarga emas, balki ma'lum bir saralash asosida beriladi. Talabalar quyidagi tartibda tanlab olinadi:
- Pedagogika yo‘nalishidagi qo‘shma ta’lim dasturlarida to‘lov-kontrakt asosida o‘qiyotgan va yuqori akademik ko‘rsatkichlarga ega bo‘lgan talabalar o‘rtasida tanlov o‘tkaziladi;
- Tanlovda g‘olib chiqqan talabalar bilan davlat ta’lim muassasalarida (maktabgacha, umumiy o‘rta, professional yoki oliy ta’lim) kamida 3 yil ishlab berishni nazarda tutuvchi shartnoma rasmiylashtiriladi.
Ushbu yangilik pedagog kadrlar sifatini oshirish va xalqaro tajriba almashishni rag‘batlantirish yo‘lidagi muhim qadamdir.
Izohlar (0)
Izoh yozish uchun tizimga kiring.