UNESCO Polshada ta'lim olish uchun stipendiya dasturini e'lon qildi
UNESCO tomonidan Polshadagi nufuzli Fan va texnologiya universitetida olti oylik stipendiya dasturiga arizalar qabul qilinmoqda. Ushbu imkoniyat fan, texnologiya va muhandislik yo‘nalishlarida tahsil olayotgan talabalar uchun ajoyib imkoniyatdir.
Dastur tafsilotlari va shartlari
Dastur Krakov shahrida bo‘lib o‘tadi. Unda O‘zbekiston fuqarolari bo‘lgan bakalavr va magistratura talabalari ishtirok etishlari mumkin. Dastur joriy yilning 2-oktabrida boshlanib, 2024-yilning 30-martida yakunlanadi.
Foto: Time
Stipendiya va moliyaviy yordam
Ishtirokchilarga quyidagi moliyaviy ko‘maklar taqdim etiladi:
- Bakalavr talabalari uchun: $344 oylik stipendiya;
- Magistratura talabalari uchun: $505 oylik stipendiya;
- Polsha hukumati tomonidan bir martalik maxsus to‘lov;
- UNESCO tomonidan aviachipta, tibbiy sug‘urta va $120 miqdorida qo‘shimcha to‘lov.
Agar siz kelajakda xorijiy universitetlarga kirishni rejalashtirayotgan bo‘lsangiz, kirish ballari va yo‘nalishlar haqidagi ma’lumotlarni oldindan o‘rganib chiqish tavsiya etiladi.
Qanday qilib ariza topshirish kerak?
Nomzodlar 30 ta loyihadan uchtasini tanlashi va o‘zining YuNESKO bo‘yicha Milliy komissiyasi bilan bog‘lanishi kerak. Milliy komissiya tomonidan ma’qullangan nomzodlar havola orqali ro‘yxatdan o‘tadilar.
Hujjatlar 28-aprelgacha quyidagi elektron pochta manzillariga yuborilishi shart: [email protected], [email protected] va [email protected].
Batafsil ma’lumot uchun rasmiy sahifaga o‘ting.
Izohlar (0)
Izoh yozish uchun tizimga kiring.